ଲାଇବ୍ରେରୀ
ପ୍ରୋଫାଇଲ୍
ବିପଦୁ ଦିଅ ଉଦ୍ଧାରି
ବିପଦୁ ଦିଅ ଉଦ୍ଧାରି
1 min
82
ଭବ ସାଗରରେ ପାଦ ମୁ୍ଁ ଦେଇଛି
ସଂସାର ନାଆକୁ ଧରି
କାତ ମାରୁ ମାରୁ ନାଆଟା ଦୋହଲେ
କାତରେ ଯାଉଛି ଥରି॥୧॥
କାମନା ବାସନା ପ୍ରିୟା ପିରତିରେ
ଦେଲା ସମ୍ମୋହିତ କରି
ନାନା ଢଙ୍ଗେ ପୁଣି ମଙ୍ଗଟା ମୋଡୁଛି
ମୋହ ମାୟାର ନାଉରି ॥୨॥
ହେଜିଲା ବେଳକୁ ମଝି ଦରିଆରେ
ଖେଳୁଛି ଚକା ଭଉଁରି
କବଳିତ କରି ନେଇଅଛି ମୋତେ
ତୋତେ ମୁଁ ଗଲି ପାଶୋରି ॥୩॥
ନାଆରେ ମୋହର ପାଣି ପଶିଯାଏ
ଯାଉଅଛି ମୁହିଁ ଡରି
ଆକୁଳେ ଡାକୁଛି ବିକଳ ମନରେ
କରିଦିଅ ମୋତେ ପାରି ॥୪॥
ଭଜି ତୋର ନାମ ଯାଉ ଏ ଜୀବନ
ମାୟାର କୋଳୁ ନିସ୍ତରି
ଯୁଗେ ଯୁଗେ ଉଡୁ ପତିତ ପାବନ
ବାନାର କିରତି ଶିରୀ ॥୫॥
କେତେ ସଂକଟରୁ କାହାକୁ କେତେ ତୁ
ରଖିଲୁ ସାରଙ୍ଗଧାରୀ
ଯୋଡି ହସ୍ତେ ମୁହିଁ କରୁଛି ଗୁହାରି
ବିପଦୁ ଦିଅ ଉଦ୍ଧାରି ॥୬॥
