ବିନ୍ଦୁଏ ଜଳ

ଜୀବଙ୍କ ଜୀବନ ମୋ ନାମ ଜୀବନ

ଦରକାର ସଭିଙ୍କର

ମୋ ବିନା ସଂସାରେ ରହିବା ବିଧିରେ

ହୋଇଥାଏ କାଠିକର।

ଅଧିକ ହୋଇଲେ ଅବା କମିଗଲେ

ଖେଳିଯାଏ ହାହାକାର

ସମସ୍ତ କାର୍ଯ୍ୟରେ ଲୋଡା ପଡ଼ିଥାଏ

କରିଥାଏ ଉପକାର।

ଅମ୍ଳଜାନ ସହ ଉଦଜାନ ଯୋଗ

ଅଟେ ମୋ ଏନ୍ତୁଡ଼ିଶାଳ

ଦ୍ବିତୀୟଟି ଜଳେ ପ୍ରଥମ ଜଳାଏ

ହୁଏ ମୁଁ ଅନଳ କାଳ।

କମିବାରୁ ସ୍ତର ଖେଳେ ହାହାକାର

ଅନର୍ଥ ହୁଏ ପୃଥିରେ

ଲାଗେ ଲମ୍ବା ଧାଡ଼ି କାମ ଧନ୍ଦା ଛାଡି

ରହିଥାନ୍ତି ଅପେକ୍ଷାରେ।

ବୃକ୍ଷ ମୋ ଜୀବନ ହୋଇବାରୁ ଶୂନ୍ୟ

ସ୍ତର ମୋର ଯାଏ କମି

ଛେଦନ ନକର ହେବ ଦୁଃଖ ଦୂର

ଚେରତା ରଖିବ ଟାଣି।