Library
ବିଜ୍ଞାନ ଦେଇଛି କେତେ ଯେ ଖୁସି
ବିଜ୍ଞାନ ଦେଇଛି କେତେ ଯେ ଖୁସି
ବିଜ୍ଞାନ ଦେଇଛି କେତେ ଯେ ଖୁସି
ବିଳାସ ବିଲୋଳ ସମ୍ଭାର ରାଶି ।
ଅକଳନ ଜ୍ଞାନ କୌଶଳ ବିଦ୍ୟା
ଅନେକ ଅନେକ ସୁଖ ସୁବିଧା ।
ଯୋଗାଇ ଦେଇଛି ଆଜି ବିଜ୍ଞାନ
ଗବେଷଣା ଲବ୍ଧ ତଥ୍ୟ ପ୍ରମାଣ ।
ଭଳି ଭଳି ଭାବ ଓ ଅନୁଭବ
ପରାମର୍ଶ , ତଥ୍ୟ , ଦ୍ରବ୍ୟ ଉଦ୍ଭବ ।
ହୋଇ ପାରି ଅଛି ବିଜ୍ଞାନ ବଳେ
ଅସମ୍ଭବ କାର୍ଯ୍ୟ ସାଧଇ ହେଳେ ।
ଅସୁବିଧା ଯେତେ କରେ ସେ ଦୂର
କରାଏ ଜୀବନ ଭୋଗେ ବିଭୋର ।
ବିଶ୍ଳେଷଣ ସଂଶ୍ଳେଷଣ ସେ କରି
ଦୂରନ୍ତ ରହସ୍ୟ କାଢେ ସବୁରି ।
ମନସ୍କାମନା ସେ ପୁରଣ କରେ
ରହସ୍ୟ ରୋମାଞ୍ଚେ ଜୀବନ ଭରେ ।
ଉଲ୍ଲାସ ଓ ଉଦ୍ଦୀପନା ଯୋଗାଏ
ହରଷ ରେ ନିତି ମନ ରସାଏ ।
ଯେତେ କଳ କବ୍ଜା ଓ ଯନ୍ତ୍ର ପାତୀ
ସହିତ କାଢିଛି ବିଦ୍ୟୁତ୍ ଶକତି ।
ଅସାଧ୍ୟ କାର୍ଯ୍ୟ କୁ ନିମିଷେ ସାଧ୍ୟ
କରଇ ସବୁଠି ନାନା ସାହାର୍ଯ୍ୟ ।
ରୋଗ ନିର୍ଣ୍ଣୟ ଓ ଚିକିତ୍ସା କ୍ଷେତ୍ର
ବିଜ୍ଞାନ ଦେଇଛି ସୁଖ ସର୍ବତ୍ର ।
ଯାନବାହାନ ଓ କଳ କୌଶଳ
ଦକ୍ଷତା ହାସଲ ପାଇଁ ବିପୁଳ ।
ସୁବିଧା ସୁଯୋଗ ଭଣ୍ଡାର ଭାର
ଅର୍ପଣ କରୁଛି ଯେ ନିରନ୍ତର ।
ବିଜ୍ଞାନ ବିକାଶ ପାଇଁ ଅଜସ୍ର
ବଢ଼ି ଚାଲେ ସୁଖ ସୁବିଧା ଧାର ।
ପ୍ରବାହ ଅମାପ ଅନ୍ୱେଷଣ ର
ଅନନ୍ୟ ଆନନ୍ଦ ଉଲ୍ଲାସ ଚିର ।
ପ୍ରବାହିତ ହୁଏ ଆଜି ସବୁଠି
ଗ୍ରହାନ୍ତାର ଯାତ୍ରା ଓ ଅଗ୍ରଗତି ।
କରୁଛି ସମ୍ପ୍ରତି ନିତି ବିଜ୍ଞାନ
ଗବେଷଣା ଦ୍ଵାରା ସେ ଉଦ୍ଭାବନ ।
ଆବିଷ୍କାର ସଂଘଟିତ ହେଉଛି
ମଣିଷ ସମୃଦ୍ଧି ବୃଦ୍ଧି ପାଇଛି ।
ଚମତ୍କାର ଭାବ ଆଲୋକସଜ୍ଜା
ଯୋଗାଇ ଦେଇଛି କେତେ ଯେ ମଜା ।
ବିଳାସ ବ୍ୟସନ ବାସନା ମୟ
ପାର୍ଥିବ ସମ୍ପଦ ରାଶି ରେ ମୋହ ।
ଆମୋଦ ପ୍ରମୋଦ ଆଡମ୍ବର ରେ
ବୁଡ଼ାଇ ରଖଇ ନିତି ସୁଖ ରେ ।
ପ୍ରତି ଦିନ ପ୍ରତି କ୍ଷଣ କାର୍ଯ୍ୟ ରେ
ସର୍ବଦା ଆମ କୁ ସାହାଯ୍ୟ କରେ ।
ଖାଦ୍ୟ , ବାସ , ଓ ଆମୋଦ ପ୍ରମୋଦ
ଯାବତୀୟ କ୍ଷେତ୍ରେ ତାର ବିସ୍ତୃତ ।
ଭାବ ରେ ଅଶେଷ ଅଶେଷ ତର
ଉପାଦାନ ଉପକୃତ ଯେ ଚିର ।
କରି ଚାଲି ଅଛି ଆଜି ଆମ କୁ
ଛୋଟ କରିଛି ସେ ଏ ପୃଥିବୀ କୁ ।
ଇଣ୍ଟନେଟ ଆଉ ଉଡା ଜାହାଜ
ଟେଲି ଭିଜନ ଯେ କରେ ସାହାଯ୍ୟ ।
ମୋବାଇଲ୍ କମ୍ପ୍ୟୁଟର ଇତ୍ୟାଦି
ପ୍ରଯୁକ୍ତି ବିଦ୍ୟା ର ସାଧେ ସମୃଦ୍ଧି ।
ରୋବଟ ବିୟଟ ଯନ୍ତ୍ର ମଣିଷ
ଜୀବନ ବେଗ କୁ ପ୍ରତି ନିୟତ ।
ନିୟନ୍ତ୍ରିତ କରି ଚାଲିଛି ଆଜି
ବିଜ୍ଞାନ ଦେଇଛି କେତେ ଯେ ଖୁସି ।।
