ବିଦ୍ୟାର୍ଥୀ

ବିଦ୍ୟାର୍ଥୀ ସମୟ ସାଧନାର ବେଳ

ସଭିଙ୍କ ଜୀବନ ପାଇଁ,

ବାଲ୍ୟ ବୟସରୁ ବିଦ୍ୟାର ଗ୍ରହଣ 

ସବୁଠୁଁ ଶ୍ରେଷ୍ଠ ଅଟଇ l

ପୁରାତନ ଯୁଗେ ବିଦ୍ୟାର୍ଥୀ ମାନେ

ଶିକ୍ଷାକୁ ଲଭିବା ପାଇଁ,

ଗୁରୁକୁଳେ ଯାଇଁଶିକ୍ଷା ପାଉଥିଲେ 

ଆଶ୍ରମେ ଗୁରୁଙ୍କ ରହି l

ଯୁଗ ବଦଳିଛି ଛାତ୍ର ମାନେ ଏବେ

ସ୍କୂଲଓ କଲେଜ ଯାଇଁ,

ଶିକ୍ଷା ଲାଭ କରୁଅଛନ୍ତି ସେଠାରେ

ଶିକ୍ଷକ ଥାନ୍ତି ପଢାଇ l

ବିଦ୍ୟାର୍ଥୀ ଜୀବନ କେବେ ସରେ ନାହିଁ

ଜୀବନ ଟି ଶିକ୍ଷାପୂର୍ଣ୍ଣ,

ଜୀବନର ଶେଷ ମୁହୂର୍ତ୍ତ ପର୍ଯ୍ୟନ୍ତ

ଶିଖିବା ଉଚିତ ଜାଣ l

ବିଦ୍ୟାର୍ଥୀ ଜୀବନ ବକ ପରି ଧ୍ୟାନ

କାକ ସମ ସ୍ନାନ କରି 

ଶ୍ୱାନ ପରି ସଦା ଜାଗ୍ରତ ରହନ୍ତି

ଅଳ୍ପଯେ ଆହାର ଧାରୀ l

ଏହି ଗୁଣ ସବୁ ବିଦ୍ୟାର୍ଥୀ ଲକ୍ଷଣ

କହିଛନ୍ତି ଗୁଣୀ ଜନ,

ବିଦ୍ୟା କୁ କେହି ନେଇ ପାରେ ନାହିଁ

ଅଟେ ସେ ଅମୂଲ୍ୟ ଧନ l

ସମୟୋପଯୋଗୀ ଅଧ୍ୟବସାୟ ବଳେ 

ବିଦ୍ୟା ଆହରଣ କର,

ନିଷ୍ଠା ସଂଯମତା ଯୋଗ ଭ୍ୟାସ ବଳେ

ଜୀବନ ସାକାର କର ।