ଲାଇବ୍ରେରୀ
ପ୍ରୋଫାଇଲ୍
ବିଦ୍ୟାର୍ଥୀ
ବିଦ୍ୟାର୍ଥୀ
1 min
266
ମଙ୍ଗଳ ଦାୟକ ବିଘ୍ନ ବିନାଶକ
ବିଦ୍ୟାଦାତ୍ରୀ ମାତ ସରସ୍ବତୀ
ଚରଣେ ଯେ ନିତି ଢାଳଇ ପ୍ରଣତି
ଜୀବନରେ ତା ନଲାଗେ ଭୀତି
ମାତା ପିତା ପୂଜେ ସଂଜ ସକାଳରେ
ଚରଣ ଛୁଅଁଇ ଯିଏ ନିଇତି
ସାଧୁସନ୍ଥ ସେବା ଗରିବକୁ ଦାନ
ସିଏ ଏକା ଲଭେ ଜଗତେ ଖ୍ୟାତି
ଗୁରୁଜୀ ଗୁରୁମା କଥା ମାନି ଯିଏ
ମନ ଧ୍ଯାନ ଦେଇ ପାଠ ପଢଇ
ଗୁରୁଜନେ ସଦା ପ୍ରଶଂସା ଲଭଇ
ମାନ ଯଶ ଖ୍ୟାତି ତାର ବଢଇ
ସାଙ୍ଗ ସାଥି ମେଳେ ନ କରଇ କଳି
ମୁଖେ ନ ବୋଲଇ ଆନବଚନ
ସେପରି ବିଦ୍ୟାର୍ଥୀ ପ୍ରଶଂସା ଲଭଇ
ପାଇଥାଏ ସଦା ମାନସମ୍ମାନ
ମଧୁର ବଚନେ କିଣି ନିଏ ପ୍ରାଣ
କହୁଥାଏ ସଦା ମଧୁର କଥା
ମନେ କା କଷଣ ନ ଦିଅଇ କେବେ
ନ ଦିଏ କେବେ ସେ କାହାକୁ ବ୍ୟଥା
ପଢା ଘର ତାର ମନ୍ଦିର ସମାନ
ରଖି ଥାଏ ତାକୁ କରି ସୁନ୍ଦର
ଅଳିଆ ଅସନା ନ କରେ ପୋଷାକ
ଘରଦ୍ବାର ରଖେ ସଫାସୁତୁର
ସଜାଏ ବଗିଚା ନାନା ଜାତି ଫୁଲେ
ନିଅଇ ଗଛର କେତେ ଯତନ
କରୁଥାଏ ସିଏ ଗଛର ଆଦର
ଗଛ ପାଇଁ ପରା ଆମ ଜୀବନ
ସଅଳ ଶୁଅଇ ସଅଳ ଉଠଇ
ଯୋଗ ଶାରୀରିକ ନିତି କରଇ
ଖାଦ୍ୟାଭାସ ସଙ୍ଗେ ଶରୀର ଯତନ
ସମୟ ସହିତ କାମ କରଇ
