ବିଦ୍ୟା ମନ୍ଦିର

ଶିକ୍ଷାଳୟେ ଶିକ୍ଷା ଆୟୋଜନ ହୁଏ 

ଛାତ୍ରଛାତ୍ରୀ ପାଇଁ ନିତି,

ଶିକ୍ଷା ସଙ୍ଗେ ସଙ୍ଗେ ଖେଳର ମହତ୍ତ୍ଵ

ଶିକ୍ଷା ପାଉଥାନ୍ତି ନିତି ।

ଶାରୀରିକ ଶିକ୍ଷା ଅତି ଆବଶ୍ୟକ

ଗୁରୁ କହୁଥାନ୍ତି ନିତି,

ଖେଳର ସମୟ ନିର୍ଧାରିତ ଥାଏ

ଖେଳନ୍ତି ବିଦ୍ୟାର୍ଥୀ ନିତି ।

ଗୁରୁ କରୁଥାନ୍ତି ଜଡ଼ିତ ତାହାଙ୍କୁ

ବିଭିନ୍ନ ଖେଳରେ ନିତି,

ଆନନ୍ଦ ଉଲ୍ଲାସେ ଖେଳନ୍ତି ବିଦ୍ୟାର୍ଥୀ

ସମଭାବ ଶିକ୍ଷା ନିତି ।

ଶାରୀରିକ ସ୍ଥିତି ବିକାଶ ପାଇବ

ଉନ୍ନତି ହେବ ଶିକ୍ଷାର,

ଶିକ୍ଷାର ପ୍ରଦୀପ ପ୍ରଖର ହୋଇବ

ଜ୍ଞାନ ବଢିବ ଶିକ୍ଷାର ।

ଖେଳ ମନ୍ତ୍ର ସଙ୍ଗେ ଗୁରୁଙ୍କର ଶିକ୍ଷା

ଆଦର୍ଶ ସ୍ଥାପିତ କରେ,

ଶିକ୍ଷିତ ହୋଇଣ ରାଷ୍ଟ୍ର ପାଇଁ ନିଜେ

ଗୌରବ ସ୍ଥାପିତ କରେ ।

ଖେଳ ଖେଳି ଏବେ ନୀରୋଗି ହୁଅନ୍ତି

ରୋଗ ନ ରୁହେଟି କେବେ

ନୀରୋଗି ହୋଇଣ ପାଠ ପଢୁଥାନ୍ତି

ଉନ୍ନତି କରନ୍ତି ଭବେ ।

ଗୁରୁ ଦେଉଥାନ୍ତି ଅମୂଲ୍ୟ ଶିକ୍ଷାକୁ

ଦେଶର କଲ୍ୟାଣ ପାଇଁ,

ଛାତ୍ରଛାତ୍ରୀ ମାନେ ଗ୍ରହଣ କରନ୍ତି

ରାଷ୍ଟ୍ରର ଉନ୍ନତି ପାଇଁ ।

ବିଦ୍ୟାଳୟେ ଶିକ୍ଷା ଆୟୋଜନ ହୁଏ

ଛାତ୍ରଛାତ୍ରୀ ପାଇଁ ନିତି,

ଶିକ୍ଷା ସଙ୍ଗେ ସଙ୍ଗେ ଖେଳର ମହତ୍ତ୍ଵ

ଶିକ୍ଷା ପାଉଥାନ୍ତି ନିତି।