ବିଦାୟ ସଙ୍ଗୀତ

ବିଦାୟ ଲଗନେ କରୁ ସ୍ମୃତିକୁ ଚାରଣ

ଅଧ୍ୟାପକ ଧନ୍ୟ ତୁମ ବ୍ୟକ୍ତିତ୍ୱ ମହାନ ll

ସ୍ବପ୍ନର କଲେଜ ଆମ ଯେ ମଧୁସୂଦନ

ଥିଲ ତୁମେ ଶ୍ରେଷ୍ଠ ଗୁରୁ ରଥ ତ୍ରିଲୋଚନ ll

କପଟୀ ସମୟ ଆଜି କଲା ସାତ ପର

ଶୁଭିବନି ଆଉ ପ୍ରିୟ ଗୁରୁଙ୍କର ସ୍ୱର ll

ସରଳ ବିନୟୀ ଥିଲ ଗୁଣେ ସଦାଚାର

କର୍ମେ ଏକାଗ୍ରତା ଥିଲା ସାଧୁତା ନିଷ୍ଠାର ll

ରାଜନୀତି ବିଜ୍ଞାନର ଥିଲ ଯେ ସାଧକ

କେତେ କଥା ଉପଦେଶେ ଗଢ଼ ନାଗରିକ ll

ସୁଦକ୍ଷ ବିନ୍ଧାଣି ଥିଲ କଲେଜ ନାୟକ

କର୍ତ୍ତବ୍ୟ ନିୟମେ ତୁମେ ଯୋଦ୍ଧାର ପ୍ରତୀକ ll

ଅଣାନବେ ମସିହାରୁ ଆରମ୍ଭ ଚାକିରୀ

ସମୟ ଶ୍ରମକୁ ଦେଇ ପ୍ରିୟ ଯେ ସବୁରୀ ll

ଆବୁଡ଼ା ଖାବୁଡ଼ା ପଥେ ଥିଲଯେ ନାଉରୀ

ସନମାନ ଅରଜିଲ ସୁଗୁଣ ପ୍ରସାରି ll

ଶହ ଶହ ଛାତ୍ର ଛାତ୍ରୀ ପାଇକି ଆଶିଷ

ସମାଜରେ କୀର୍ତ୍ତିମାନ କରିଲେ ପ୍ରକାଶ ll

ସେନହ ଆଦର ଆଣେ ମନରେ ବିଶ୍ୱାସ

ବଡ ସାନ ଭେଦ ଶୂନ୍ୟ ଆତିଥେ ସନ୍ତୋଷ ll

ଦାଣ୍ଡ ମୁକୁନ୍ଦପୁର ର ସୁଯୋଗ୍ୟ ସନ୍ତାନ

ଜନ୍ମ ତୁମ ପୁରୀ ଜିଲ୍ଲା ଜାତିରେ ବ୍ରାହ୍ମଣ ll

ପିତା ମାତା ଙ୍କର ପ୍ରିୟ ଥିଲ ତ୍ରିଲୋଚନ

ତୁମରି ସମ୍ମାନେ ଆଜି କରୁଛି ବନ୍ଦନ ll

ଜଗନ୍ନାଥ ପାଶେ କରେ ମୁହିଁ ନିବେଦନ

ସୁସ୍ଥରେ ଶାନ୍ତିରେ କଟୁ ବଳକା ଜୀବନ ll

କ୍ଷମା କର ଥିଲେ ଦୋଷ ଧରୁଛି ଚରଣ

ସହାୟ ହୁଅନ୍ତୁ ସଦା ପ୍ରଭୁ ନାରାୟଣ ll