ବିଚିତ୍ର ସମ୍ପର୍କ

ଯାହାକୁ ଭାବିବ ନିଜର

କିଳାଟି ଦେବସେ ଜବର l

ଯାହାକୁ କରିବ ଆଦର

ରକ୍ତକୁ ଶୋଷିବ ତୁମର l

ଭକ୍ତିଟି କରିବ ଯାହାକୁ

ଶୋଷଣ କରିବ ତୁମକୁ l

ମଧୁର ବଚନ ଯାହାର

କୁଟିଳ ସ୍ଵଭାଵ ତାହାର l

ଯାହାକୁ ମାରିବ ମୁଣ୍ଡିଆ

ପକେଟ ହୋଇବ ଖଣ୍ଡିଆ l

ମିଛକୁ କରେଯେ ଅଭ୍ୟାସ

ସମସ୍ତେ କରନ୍ତି ବିଶ୍ୱାସ l

ସାହାଯ୍ୟ କରିବ ଯାହାକୁ

ନିନ୍ଦାରେ ପୋତିବ ତୁମକୁ l

ବିପଦେ ଡ଼ାକିବ ଯାହାକୁ

ବ୍ୟଙ୍ଗରେ କହିବ ତୁମକୁ l

ସତ୍ୟକୁ ଯିଏଵି କହିବ

ମାଡ଼ଟି ନିଶ୍ଚୟ ଖାଇବ l

ଅସତ୍ୟ କର୍ମକୁ ଯେ କରେ

ସମାଜେ ଆଦର୍ଶ ବୋଲାଏ l

ସମାଜ ମଙ୍ଗଳ ନାମରେ

ନେତାଏ ଲୁଣ୍ଠନ୍ତି ଧନରେ l

ପଢିବା କାମରେ ଶିକ୍ଷକ

ପିଲାଏ ହୁଅନ୍ତି ମୁରୁଖ l

ରୋଗୀର ସେବାରେ ଡାକ୍ତର

ଶୋଷଣ କରଇ ଟଙ୍କାର l

କୋଢ଼ିଆ ମଦର ନିଶାରେ

ବଡ଼ିମା ଦେଖାଏ ଜ୍ଞାନରେ l

ଚାଷୀଟି ଫସଲ ନିଶାରେ

ବେକରେ ଲଗାଏ ଫାଶରେ l

ମାଟ୍ରିକ ପଢିବା ପିଲାର

ପ୍ରେମରେ ଥାଏତା ନଜର l

ଝିଅକୁ ଦେଖିଲେ ବିପଦେ

ଭାଇଙ୍କ ସାହାଯ୍ୟ ତାସାଥେ l

ଭାତୃତ୍ୱ ସମ୍ପତ୍ତି ନିଶାରେ

ଭଗାରୀ ହୁଏସେ ଲୋଭରେ l

ଭାଉଜ ପ୍ରେମରେ ଦିଅର

ହରାଏ ପ୍ରତିଭା ନିଜର l

ବୟସ୍କ କରୁଣ ଦୁର୍ଗତି

ସ୍ୱାର୍ଥରେ ଥାଏତା କୁମତି l

ଅଜ୍ଞାନେ ବଢିଲା ଯୁବତୀ

ପ୍ରେମରେ ଭବିଷ୍ୟ ପୋଡ଼ନ୍ତି l

ଶିଶୁଙ୍କ ବତ୍ସଲ୍ୟ ଦୂରେଇ

ଡବାର କ୍ଷୀରକୁ ପିଅଇ l

ଟଙ୍କାର ଗୋଲାମ ଜଗତ

ନିସ୍ଵାର୍ଥେ ସମ୍ପର୍କ ବଞ୍ଚିତ l

ଠାକୁର ନାମରେ ଠକେଇ

କଦଳୀ ଦେଇକି ପୂଜଇ l

କଥାଟି ଦେହକୁ ନେବେନି

ନେବେତ ହଜମ ହେବନି ।