ବିଚ୍ଛେଦ-୪

ଆଖି ଲୁହ ଆଜି    ଆଖିରେ ମରୁଛି

     କହିବି କାହାକୁ ମୁହିଁ

ଆଷାଢ଼ରେ ଝରି   ଶ୍ରାବଣେ ଥମୁନି

    ତଥାପି ବସିଛି ଚାହିଁ।୧।

ପ୍ରିୟ ପ୍ରିୟ କହି     ବସୁଥିଲ ପାଶେ

     ସୁଖର ପସରା ମେଲି

ତୁମ ବିଚ୍ଛେଦରେ    ଭଲ ଲାଗୁ ନାହିଁ

    ଦୁଃଖ ଆଉ ଦୁଃଖ ଖାଲି।୨।

ଦୁନିଆ ଆଖିରେ     ପ୍ରେମିକ ସଜେଇ

    ଠକିଦେଲ ମତେ କାହିଁ

ତୁମ ଭାବନାରେ     ରହିଗଲା ପରେ

    କିଛି ଭଲ ଲାଗୁନାହିଁ।୩।

ନିରୋଳାରେ ବସି      ଦେଖେ ମୁଁ ସପନ

    ଖୁସି ଖୁସି ମୁହୂର୍ତ୍ତର

କେଡ଼େ କି ସୁନ୍ଦର     ଆମ ପ୍ରେମ ଥିଲା

    ଲାଗିଲା କାହା ନଜର।୪।

ଜୀବନ ମୋ ନେଇ     ମାରିଦେଲ ମତେ

    ମରିଗଲି ଆଜି ମୁହିଁ

ବଂଚିଅଛି ସିନା        ହୃଦୟ ମୋହର

    ସତେ ଆଜି ମୋ' ଠି ନାହିଁ।୫।