ଭୟ

ଶୁନ୍ ଶାନ୍ ରାତିରେ,ଥରିଉଠେ ଛାତିରେ,

ନିଦଯଦି ଭାଙ୍ଗିଯାଏ କେବେ ଅଧା ରାତିରେ ।

ରାତି ଅଧ ବୋଲି କାନ୍ଥେ ଘଡି ଦିଏ ସୂଚାଇ,

ଛାତିତଳେ ଦିକ୍ ଦିକ୍ ଧିରେଧିରେ ବଢ଼ଇ ।

ଯୁଆଡକୁ ଚାହିଁଲେ ସେ ଭୁତଭଳି ଦିଶଇ,

ଲାଗେମୋତେ ପଛେପଛେ ଭୁତ ମୋର ଆସଇ ।

ଗଡ୍ ରେଜ ଦେଖି ଲାଗେ ଭୁତ ଆଖି ଜଳୁଛି,

ଟୋପିଦେଖି ଲାଗେ ସତେ ଭୁତ ଛିଡାହୋଇଛି ।

ସବୁ ଆସବାବ ମୋତେ ଭୁତପରି ଲାଗଇ,

ଗୁମ୍ ସୁମ୍ ଚାରିଆଡ ଛାତିମୋର ଥରଇ ।

ଭୟରେ ମୁଁ ଥରିଉଠି ଚିତ୍କାର କରଇ,

ଅନ୍ଧାର ଦେଖି ଭୟ ଦୁଇଗୁଣ ବଢ଼ଇ ।