ଭୟ ଲାଗେ

ଭୟ ଲାଗେ 

ଭୟ ଲାଗେ ଆଜି 

ଏଇ ପ୍ରଗତିଶୀଳ ଦୁନିଆଁର ଲୋକଙ୍କୁ

ଲୋକଙ୍କୁ ନୁହେଁ ତ

ତାଙ୍କରି ଭିତରେ ଛପିରହିଥିବା 

କୁତ୍ସିତ ମାନସିକତାକୁ ।

ଭୟ ଲାଗେ 

ଭୟ ଲାଗେ ଏଇ ସଜ ସଜ 

ଗଢି ଉଠିଥିବା ସମ୍ପର୍କ ଗୁଡିକୁ

ସମ୍ପର୍କକୁ ନୁହେଁ ତ 

ସମ୍ପର୍କର ଆଳରେ ଲୁଚିରହିଥିବା 

ହୀନ ଛଳନାକୁ ।

ଭୟ ଲାଗେ 

ଭୟ ଲାଗେ ଏଇ ଏବେ ଏବେ ଦେଇଥିବା 

ପୂର୍ଣ୍ଣ ପ୍ରତିଶ୍ରୁତିବଦ୍ଧ ବାକ୍ୟକୁ

ବାକ୍ୟକୁ ନୁହେଁ ତ 

ତା'ଭିତରେ ଥିବା ବିଶ୍ୱାସଘାତକତାକୁ ।

ଭୟ ଲାଗେ

ଭୟ ଲାଗେ ଆଜି ଏଇ ଆପଣାର ନିଜର

ନିଜର ବୋଲାଉଥିବା ମଣିଷକୁ 

ମଣିଷକୁ ନୁହେଁ ତ 

ତା'ର ଉପର ଚିକ୍କଣିଆ ଚେହେରା ପଛରେ ରହିଥିବା

କଳା କାଳିମାରେ ଭରା ପ୍ରତିଛବିକୁ ।