କେବେ କୁହ ନାହିଁ
କେବେ କୁହ ନାହିଁ
କେବେ କୁହ ନାହିଁ ମୋ ବାପା ମାଆଙ୍କୁ
ରଖି ଅଛି ମୋର ଘରେ
ସର୍ବଦା କହିବ ମୁଁ ରହି ଅଛି
ମୋ ବାପା ମାଆଙ୍କ ର ଘରେ ।
କେବେ କହିବନି ମୋ ବାପା ମାଆଙ୍କୁ
ରଖି ଅଛି ମୋର ପାଖରେ
ସର୍ବଦା କହିବ ମୁଁ ରହି ଅଛି
ମୋ ବାପା ମାଆଙ୍କ ର ପାଖରେ ।
କେବେ କହିବନି ମୋ ବାପା ମାଆଙ୍କୁ
ବୃଦ୍ଧ/ବୃଦ୍ଧା ବେଳେ ପୋସୁଅଛି
ସର୍ବଦା କହିବ ବାପା ମାଆଙ୍କର
ମୁଁ ଖାଇ ବଞ୍ଚି ରହିଛି ।
ଜନମ ଦେଲେ ବଡ଼ ବି କଲେ
ଦିନ ରାତି ଗୋଟେ କରି
ଅଭାବ ପୂରଣ କରିଥିଲେ ତୁମ
ନିଜର ପେଟକୁ ମାରି ।
ନିଜ ଜୀବନ ଠୁ ବଡ଼ ଭାବିଥିଲେ
ତୁମ ଜୀବନକୁ ଗଢି
ତୁମରି ପାଇଁ ରଖି ଦେଇଛନ୍ତି
ଜମି, ବାଡି, କୋଠା ବାଡି ।
ତୁମ ଜୀବନଟା ତାଙ୍କ ଅବଦାନ
କୋଠା ବାଡି ଅଟେ ତାଙ୍କର
ଏବେ ବଡ ହୋଇ କେମିତି କହୁଛ
ସବୁ ଯାକ ଅଟେ ମୋହର ।
ସବୁ ସମ୍ପତ୍ତି ତାଙ୍କରି ଥିଲା
ଆଜି ଅଛି ତୁମ ପାଖରେ
କେଉଁ ମୁହେଁ ପୁଣି ଗର୍ବରେ କହୁଛ
ବାପା ମାଆଙ୍କୁ ରଖିଛି ମୋ ପାଖରେ ।
ବାପା ମାଆ ଯଦି ତୁମର ନଥାନ୍ତେ
ତୁମେ ଥାଆନ୍ତ କି ଏ ସଂସାରେ
କେବେ କହିବନି ମୋ ବାପା ମାଆଙ୍କୁ
ରଖି ଅଛି ମୋର ପାଖରେ
ରଖି ଅଛି ମୋର ପାଖରେ ।