ଝିଅ ଦେଖିବାକୁ ଯାଇଥିଲା ପୱନ୍

ଝିଅ ଦେଖିବାକୁ ଯାଇଥିଲା ପୱନ୍

ଏହି ରବିବାର ଦିନ,

ଶଶୁର ତାର ପଚାରିଲେ ପୁଅ

କର ତୁମେ କେଉଁ କାମ ।

ପୱନ୍ କହେ ବିଏ ସିଟି ମୁଁ କରିଛି

ଚାକିରି ହେଇଯିବ ଏଇ ସନ୍,

ଦଶ ହଜାର ଟଙ୍କା କମାଏ ମାସକୁ

କରି ପିଲା ଟିୟୁସନ ।

ସିଟି କଥା ଶୁଣି ଉଚ୍ଚ ସ୍ୱରରେ ଶାଶୁ

କୁହନ୍ତି ଶୁଣ ତୁ ବାବୁରେ,

କେତେ ସିଟି ପିଲା ବେକାର ହୋଇ ଏବେ

ବୁଲୁଛନ୍ତି ଦାଣ୍ଡ ବାଟରେ ।

ପାଞ୍ଚ ବରସ ବାବୁ ଗଲାଣିରେ ବିତି

ତୁଚ୍ଛା ମିଛ ପ୍ରତଶ୍ରୁତିରେ,

କେମିତି ବିଶ୍ୱାସ କରିବୁ ଯେ ଆମେ

ତୁମ ଚାକିରି ହେବ ଏ ବର୍ଷରେ ।

ହଜାର ହଜାର ସିଟି-ବିଡି ପିଲା 

ତୁମେ ତ ଅଛ ସେ ଭିତରେ,

କେଉଁ ଭରସାରେ ଝିଅ ହାତ ମୋର

ଦେବି କୁହ ତୁମ ହାତରେ ।

ଚାକିରି ନାହିଁ ଯଦି ବାହାଘର କଥା

ମନରୁ ବାହାର କର,

ଚାକିରି ପରେ ଯାଇ ବିବାହ ପ୍ରସ୍ତାବ

ନେଇ ଆସ ଆମ ଘର ।

ମୁଁହ ତଳ କରି ବସି ଥାଏ ପୱନ

କୋହ ଚାପି ସବୁ ଛାତିରେ,

କି ଉତ୍ତର ଅବା ଅଛି ତା ପାଖରେ

କହିବ ଦେ ଶାଶୁ ଆଗରେ ।