ନୂତନ ରାଷ୍ଟ୍ରପତି ଦ୍ରୌପଦୀ ମୁର୍ମୁ

ନୁହେଁ ସେ ପାଞ୍ଚାଳୀ ପାଣ୍ଡବ ଘରଣୀ

ନୁହଁ ଦୃପଦ ନନ୍ଦିନୀ ।

ମହାଭାରତର ନାୟିକା ନୁହେଁ ସେ 

ଭାରତ ରାଷ୍ଟ୍ରର ରାଣୀ ।।

ରାଇରଙ୍ଗପୁର ଜଙ୍ଗଲ ମୂଳକେ

ସିଏ ବନବାସୀ ଝିଅ ।

ବଣୁଆ ମାଟିର ଟାଣୁଆ ଝିଅ ସେ 

ଦ୍ରୌପଦୀ ତା ପରିଚୟ ।।

ସ୍ୱାମୀ ପୁତ୍ରହରା ଯାଜ୍ଞସେନୀ ସିଏ

ଜଳିଛି ଦୁଃଖ ନିଆଁରେ ।

ଟଳି ଯାଇନାହିଁ ଜୀବନ ସଂଗ୍ରାମୁ

ଭାଙ୍ଗିନାହିଁ ହତାଶରେ ।।

ସାଧନାରେ ସିଦ୍ଧି କର୍ମେ ଉପଲବ୍ଧି

ହୋଇ ଜନସେବା ବ୍ରତୀ ।

କାଉନସିଲରୁ ବିଧାୟକ ମନ୍ତ୍ରୀ

ରାଜ୍ୟପାଳ ରାଷ୍ଟ୍ରପତି ।।

ରାଇରଙ୍ଗପୁରରୁ ରାଇସିନା ରାଣୀ

ଓଡିଶା ମାଟିର ଝିଅ ।

କରୁଛି ସ୍ୱାଗତ ମୋ ଦେଶ ହିତରେ

ଦେବ ଜାତି ପରିଚୟ ।।