ଲାଇବ୍ରେରୀ
ପ୍ରୋଫାଇଲ୍
ଭୁଲି କି ଯାଇଛୁ ତୁହି
ଭୁଲି କି ଯାଇଛୁ ତୁହି
1 min
185
ବାଆରେ କଳା ଠାକୁର
ବସିଛୁ ତୁ ରତ୍ନ ସିଂହାସନେ
ନିତି ଷାଠିଏ ପଉଟି
ରନ୍ଧା ହୁଏ ପରା ତୋ ସଦନେ।୧।
ପେଟ ଭୋକ କଥା ଆଜି
ଭୁଲି କି ଯାଇଛୁ ତୁ ସତରେ
ଚଣ୍ଡାଳୁଣୀ ଘରେ ପଶି ଥିଲୁ
ବ୍ରାହ୍ମଣ ଭୁଲି ଭୋକ ଜାଳାରେ।୨।
ଭାବୁ ନାହୁଁ କାହିଁ ଥରେ
ତୋ ଭକତ ରହେ ଉପବାସ
ପେଟ ଭୋକ ପେଟେ ମାରି
ବୁଲେ ସେତ ବରଷ ବରଷ।୩।
ତୋଳି ପାରେ ନାହିଁ ଘର
ପଙ୍ଗୁ ପୁଣି ହାତ ଗୋଡ଼ ଯାର
ପଡି ରହେ ଦାଣ୍ଡେ ତୋର
ଖାଇ ଖରା,ବରଷା କାକର।୪।
ତୋ ବଡ଼ ଦାଣ୍ଡେ ରଖିଛୁ
କେତେ ଠକ, ଭଣ୍ଡ ଭିକାରୀ ଙ୍କୁ
ଭୁଲି କି ଯାଇଛୁ ତୁହି
ସୁଧାରିବାକୁ ପାପୀ ତାପିଙ୍କୁ।୫।
