ଭୁଲ ଠିକଣା
ଭୁଲ ଠିକଣା
ପାରିଲିନି କହି ବୋଲି ମୋ ମନର କଥା
ସରାଗରେ ଲେଖିଦେଲି ଚିଠି
ଲେଖି ସବୁ ଅକୁହା କଥାକୁ
ଶେଷରେ ମୁଁ ଲେଖିଦେଲି ଇତି ।
ତରବରେ ଲେଖିଲି ଠିକଣା
ପକାଇଲି ଡାକଘରେ ନେଇ
ଡାକବାଲା ଠିକଣା ପଢିକି
ଚିଠିଟିକୁ ଦେଲା ସେ ବଢାଇ ।
ଠିକଣାଟା ଭୁଲ ଥିଲା ବୋଲି
ଚିଠି ମୋର ତୋ ମାମୁଁ ପଢିଲା
କିଛି ପୋଷା ଗୁଣ୍ଡା ସାଥେ ନେଇ
ମୋତେ ପୁରା ପକେଇ ଛେଚିଲା ।
ବହିଗଲା ନୟନରୁ ଲୁହ
ଅସହ୍ୟ ମୋ ଶରୀରର ବ୍ୟଥା
ଜାଣିଛି ମୁଁ ତୋର ଭୁଲ ନୁହଁ
ଭୁଲ ଥିଲା ମୋର ଚଞ୍ଚଳତା ।
ଲେଖିଦେଲି ମୋ ହାତରେ ମୁହିଁ
ତରବରେ ନିଜେ ଭୁଲ ଠିକଣା
ସେଥିପାଇଁ ପ୍ରେମର ସହରେ
ହୋଇଗଲି ନିଜେ ବାଟବଣା ।
ମୋ ଚଞ୍ଚଳ ମନ ପାଇଁ ମୁଁ ଯେ
ନ ହୋଇଲି ପ୍ରେମିକରେ ଗଣା
ପ୍ରେମହାଟେ ସଉଦା କରିକି
ପାଇଗଲି ପ୍ରେମର ପାଉଣା ।।