ଭୁଲ୍ ସ୍ଵାଭାବିକ

ମଣିଷ ମାତ୍ରେ ହିଁ ଭୁଲ୍ ସ୍ଵାଭାବିକ

ପ୍ରାୟ ଜ୍ଞାତ ଅଜ୍ଞାତରେ 

ନିଜ ଭୁଲ୍ କେହି ଦେଖି ପାରୁ ନାହିଁ

ଧାରଣା ଆପେ ମନରେ

ଅଜ୍ଞାନତା ଅବା ଅହଙ୍କାର ଭାବ

ଅବା ହୀନ ମନୋଭାବ 

ନିଜର ଭୁଲ୍ କୁ କିଏ ବା ଦେଖିଛି

ଭାବନାରେ ହୀନ ଭାବ

ନିଜ ଭୁଲ୍ କିଏ ଦେଖି ପାରୁ ନାହିଁ

ଭାବନା ଥାଇ ମନରେ

କୁକର୍ମ ଅବା ଅପରାଧ କାର୍ଯ୍ୟରେ

ଲିପ୍ତ ଥାଏ ନିରନ୍ତରେ

ଗୋଟିଏ ଭୁଲ୍ କୁ ଘୋଡାଇବା ପାଇଁ

ପୁଣି ଆଉ ଏକ ଭୁଲ୍

ନିଜ ସ୍ବାର୍ଥ ପାଇଁ ଜାଣି ଶୁଣି ଭୁଲ୍

ଜୀବନ କ୍ରମଶଃ ଭୁଲ୍

ଭୁଲ୍ କର୍ମ କିଏ ଦେଖୁ ବା ନ ଦେଖୁ

ପରିଣାମ ସେହିପରି

ବିଳମ୍ବ ହେଲେ ବି ପରିଣାମ ଫଳ

ଭୟଙ୍କର ସର୍ବୋପରି

ଅନ୍ୟମାନଙ୍କର ଦୋଷ ଦୁର୍ବଳତା 

ପ୍ରତି ଅଙ୍ଗୁଳି ନିର୍ଦ୍ଦେଶ 

ଏକ ସହଜାତ ଗୁଣ ମଣିଷର

ସତେ ଅବା ଅବଶୋଷ

ଦେଖୁଛନ୍ତି ସର୍ବ-ଦ୍ରଷ୍ଟା ସବୁ କିଛି

ଭୁଲ୍ ଠିକ୍ ମଣିଷର

ତଥାପି ମଣିଷ ଚିନ୍ତା ଚେତନାରେ

କଳୁଷିତ ନିରନ୍ତର

ପରୋପକାର ଓ ସେବା ମନୋବୃତ୍ତି 

ହୃଦୟରେ ସଦା ରହୁ

ନିଜର ଭୁଲ୍ କୁ ପଶ୍ଚାତାପ ଧାରେ

ଭବ୍ୟ ସଂଶୋଧନ ହେଉ