ଭ୍ରମଣ

କର୍ମମୟ ଅଟେ ଏହି ଜୀବନ

ନାହିଁ ଶାନ୍ତି ନାହିଁ ଅପନୋଦନ |

ବିଶାଳ ସୃଷ୍ଟିକୁ ଦେଖିବା ପାଇଁ

ମାନବ ହାତରେ ସମୟ ନାହିଁ |

ଯେବେ ମିଳିଯାଏ ସୁଅବସର

ଜମିଯାଏ ବୁଲା ବୁଲି ଆସର |

ଭ୍ରମଣ ହୁଏ ଆନନ୍ଦଦାୟକ

ନୂଆ ସ୍ଥାନ ଦେଖି ଲଭି ପୁଲକ |

ଧରି ବସ କାର ରେଳ ଗାଡ଼ି

ବ୍ୟୋମଯାନେ ଅବା ଶୂନ୍ୟରେ ଉଡ଼ି |

ପର୍ଯ୍ୟଟନ କ୍ଷେତ୍ର ତୀର୍ଥ ଭ୍ରମଣ

ମତି ହୋଇଯାଏ ପରିବର୍ତ୍ତନ |

ଦେବଭୂମି କରୁଥିଲେ ଦର୍ଶନ

ଶୁଦ୍ଧ ପୂତ ହୁଏ କଳୁଷ ମନ |

ପାହାଡ଼ ପର୍ବତ ନଦୀ ନିର୍ଝର

ପ୍ରକୃତି ରାଣୀର କେଳି ନଅର |

ଯେତେ ଦେଖୁଥିଲେ ଲାଗଇ ନୂଆ

ବନ ଭ୍ରମଣରେ ଆନନ୍ଦ ଥୁଆ |

ବନ ବିହଙ୍ଗମ କଳ କୂଜନ

ହସ୍ତୀ ବ୍ୟାଘ୍ର ସରୀସୃପ ଗର୍ଜନ |

ଚିଡ଼ିଆଖାନାରେ କଲେ ଭ୍ରମଣ

କେତେ ଜୀବ ଜନ୍ତୁ ହେବ ଦର୍ଶନ |

ମିଉଜିୟମରେ ମୃତ ଅତୀତ

ଆମର ଐତିହ୍ୟ ତହିଁ ସଞ୍ଚିତ |

ନଦନଦୀ ହ୍ରଦେ ନାବେ ଭ୍ରମଣ

କଳ କାରଖାନା କଲେ ଦର୍ଶନ |

ଦେଶ ଦେଶାନ୍ତର କଲେ ଭ୍ରମଣ

ଜ୍ଞାନ ପରିସୀମା ହୁଏ ବର୍ଦ୍ଧନ |

ଗତାନୁଗତିକ ଜୀବନ ଧାରା

ବିର୍ବର୍ତ୍ତନ ହୁଏ ଭ୍ରମଣେ ସାରା |

ଘସରା ଜୀବନ ହେବ ରସାଣ

ବଢ଼ିବ ଉତ୍ସାହ କର୍ମ ପ୍ରାଧାନ୍ୟ |

ଭ୍ରମଣ ସୁସ୍ଥ ରଖଇ ମାନସ

ଜୀବନ ହେବ ସୁନ୍ଦର ସରସ |