ମୋତେ ରକ୍ତ ଦିଅ

ପାହାଡ଼ି ମୂଷାଟି ପଳାଇଛି ଆଜି

ଆଖିରେ ଆଙ୍ଗୁଳି ଗେଞ୍ଜି l

ଇଂରେଜୀ ପଢୁଆ ସାହିବ ଅବାକ

ନେତାଙ୍କ ନେତା ନେତାଜୀ ll

ବର୍ଲିନ ରେଡିଓ ବାର୍ତ୍ତା ଭାସି ଆସେ

ଦେଖରେ ସାହିବ ଦେଖ l

ନୀର୍ଭିକ ସୁଭାଷ ଭାରତ ସନ୍ତାନ

କଇଁଛ କାଢ଼ିଛି ବେକ ll

ଜରମାନି ତୁମ୍ଭ ଶତ୍ରୁ ସିନା ବାବୁ

ମୋହର ଅଟେ ସେ ମିତ୍ର l

ସ୍ୱାଧୀନତା ନିଶ୍ଚେ ଛଡ଼ାଇ ମୁଁ ନେବି

ଦେଇ ଚାପୁଡ଼ା ଶକତ ll    

ଦେଖରେ ମାଡୁଆ ମଣିପୁର ବକ୍ଷେ

ଉଡ଼ାଇଛି ମୁଁ ତ୍ରିରଙ୍ଗା l

ଦିଲ୍ଲୀ ଚଲୋ ମୁହିଁ ଡାକରା ଦେଇଛି

ତୁମ ମୁହଁ ହେବ ଭଙ୍ଗା ll

ରକ୍ତ ଦିଅ ଭାଈ ରକ୍ତ ମୋତେ ଦିଅ

ମୋ ଦେଶ ଭଉଣୀ ଭାଈ l

ଶିରରେ ଲେଖିଛି ରକତ ଟୀକା ମୁଁ

ସ୍ୱାଧୀନତା ଦେବି ଥୋଇ ll