ଲକ୍ଷ୍ମଣ ନାୟକ ଜିନ୍ଦାବାଦ
ଲକ୍ଷ୍ମଣ ନାୟକ ଜିନ୍ଦାବାଦ
ଭାରତର ତିକ୍ତ ଶତାବ୍ଦୀ ଗତେ
ଅତୀତ ବକ୍ଷେ ଲଭି
ସହୀଦ ଯୋଦ୍ଧା ତଵ ନାମେ ବାଜେ
ଡିଣ୍ଡିମ ଡିବି ଡିବି ।
ତଵ ନାମ ଆସେ ପାହାଡ଼ ସେପାରୁ
ମୌସୁମୀ ମାନେ ଭାସି
ତଵ ନାମେ ଗାଏ ଓଡିଶା ମାଆ
ସମୀରେ ଯାଏ ମିଶି ।
ଦୁର୍ବଳ ଉପରେ ପଶୁବଳୀ ଦଳ
ବହୁତ ଅତ୍ୟାଚାର କରେ
ନିଜ ମାଆ ପାଇଁ ସହୀଦ ହେଲ
ଅଭିମାନ ପ୍ରହାରରେ ।
ଦୁଃଖ ର ସାଗରେ ଢେଉ ରେ ଢେଉ ରେ
ସଂଗ୍ରାମ ଥିଲା ଜାରି
ନିଜ ମାଟି ମାଆ ର ପଣତ ପାଇଁ
ଗର୍ଜୁଥିଲ ଚିତ୍କାରି ।
କେହି ବଳବାନ ରଖିବ ନାହିଁ ରେ
ତଥାପି ଛାଡ଼ିଛି ଡାକ
ଦେଶ ମାତୃକାର ସ୍ୱାଧୀନ ପାଇଁକି
ଭୁଲିଅଛି ଭୋକ ଶୋକ ।
ସ୍ୱାଧୀନତା ପାଇଁ ଲଢେଇ କଲା ସେ
ଥିବା ଯାଏଁ ଶେଷ ଶ୍ୱାସ
ଶେଷ ରେ ସହୀଦ ହେଲା ସେ
ବ୍ରିଟିଶ କରିଲେ ଶେଷ ।
ଦେଶ ପାଇଁ ତମେ କରିଛ ଲଢେଇ
ନିଜ ଆତ୍ମ ବଳି ଦେଇ
ଝୁରୁଛୁ ଆଜିହେ ତୁମ୍ଭଙ୍କୁ ଆମ୍ଭେ ହେ
ଗୌରବର ଗାଥା ଗାଇ ।
ଲକ୍ଷ୍ମଣ ନାୟକ ଜିନ୍ଦାବାଦ ତୁମେ
ଓଡିଶାର ବରପୁତ୍ର
ନମୁଛେହେ ଆମେ ପାଦ ତଳେ ତୁମ୍ଭ
ମନରେ ନରଖି ଭ୍ରାନ୍ତ ।