ତୁମ ପାଇଁ ପଦେ ଲେଖିଲି

ଧାନକୁ କୁଟିଲେ ଚାଉଳ ହେବ    

     ଚାଉଳକୁଟିଲେ ଚୁନା

ଅଠର ବରଷର ପିଲାକୁ 

     ଗାଡି ଚଲେଇବା ମନା 

ବାପା ମାଆ ଯଦି ଗାଡି ଦେଉଥିବେ

    ଏଇ କଥା ମନେରଖିବେ

ଚାଲି ଯାଉଥିବା ଦାଣ୍ଡର କିଳାକୁ

     ନିଶ୍ଚୟ ଘରକୁ ଡାକିବେ 

ବାପା ମାଆ ମାନେ ମୋହରି କଥାକୁ

    ମନରେ ଟିକିଏ ହେଜିବେ

ନିଜର ପିଲାକୁ ଆକଟ କରି

    ସୁନାର ସଂସାର କରିବେ 

ନହେଲେ ସତ କଥାଟିଏ କହୁଅଛି ମୁହିଁ

      କଥାଟିକୁ ଟିପିରଖ

ଅଖା ଧୋଉଥିବ ଗୁଣ ଗାଉଥିବ

     କିଏ ଶୁଣିବେନି ଦୁଃଖ 

ଆମ ଘର ପାଖେ ଘଟଣା ଘଟିଲା

     ଘଟଣା ଟିକୁ ମୁଁ ଦେଖିଲି

ବିଷୟ ବସ୍ତୁ ସବୁବୁଝି କରି

    ତୁମ ପାଇଁ ପଦେ ଲେଖିଲି ,