ପ୍ରତ୍ୟେକ ଶିଶୁର ପ୍ରଥମ ଗୁରୁ

ପ୍ରତ୍ୟେକ ଶିଶୁର ପ୍ରଥମ ଗୁରୁ ଯେ

   ଅଟନ୍ତି ତା ପିତାମାତା

ଗୁରୁଙ୍କ ଆଶିଷ ବିନା ଜୀବନରେ

   ମିଳେନାହିଁ ସଫଳତା ।।

ପାଞ୍ଚ ବର୍ଷଯାଏ ମାଆ କୋଳେ ରହି

   ପଢ଼ିଥାଏ ଶିଶୁ ପାଠ

ଏହି ଶିକ୍ଷା ତାକୁ ଉତ୍ତମ ମଣିଷ

   ହେବାକୁ ଦେଖାଏ ବାଟ ।।

ପିତାମାତା ଠାରୁ ନୈତିକତା ଶିକ୍ଷା

    ଶିଶୁ ଯେବେ ଲଭିଥାଏ

ଏହି ଶିକ୍ଷା ତାକୁ ଘନ ଅନ୍ଧକାରେ

   ଆଲୋକ ଦେଖାଇଥାଏ ।।

ପିତାମାତା ଙ୍କର ପ୍ରତ୍ୟେକ କାର୍ଯ୍ୟ ରୁ

   ଶିଶୁ ଲଭଇ ପ୍ରେରଣା     

ହାରେ ନାହିଁ କେବେ ଜୀବନରେ ସିଏ

   ହୁଏନାହିଁ ବାଟବଣା ।।