Library
Profile
ଭୋକର ଭୂଗୋଳ
ଭୋକର ଭୂଗୋଳ
ପଞ୍ଚ କର୍ମେନ୍ଦ୍ରିୟ
ପଞ୍ଚ ଜ୍ଞାନେନ୍ଦ୍ରିୟ
ଅନ୍ତ କରଣଟି ଚାରି
ଶରୀର ରଥକୁ
ଚଳାଇ ଥାଆନ୍ତି
ଭଲ ମନ୍ଦ ଗୁଣ ଧରି
ପଞ୍ଚ ଜ୍ଞାନେନ୍ଦ୍ରିୟେ
ଚକ୍ଷୁ ପୁଣି ଶ୍ରେଷ୍ଠ
ତାହାର ମହତ୍ତ୍ଵ ବେଶୀ
ଏକକୁ ଆରେକ
ସଭିଏଁ ଗୁରୁତ୍ୱ
କେନୁହେଁ କାହାଠୁ କମି
ସାଧୁଟିର ଚକ୍ଷୁ
କାଳିଆକୁ ଦେଖି
ମେଣ୍ଟାଏ ଚକ୍ଷୁର ଭୋକ
କେହି କେହି ପୁଣି
ଭୋଗ ବିଳାସରେ
ମେଣ୍ଟାଏ ତାହାର ଭୋକ
ହରେକୃଷ୍ଣ ନାମ
କାହା ପାଇଁ ଭୋକ
କର୍ଣ୍ଣ ଇନ୍ଦ୍ରିୟ ପାଇଁ
ମଡର୍ଣ୍ଣ ଗୀତଟି
କର୍ଣ୍ଣ ପାଇଁ ଭୋକ
ଆଜିର ପିଲାଙ୍କ ପାଇଁ
ଚନ୍ଦନ ଅଗରୁ
ଅବଢ଼ା ନିର୍ମାଲ୍ୟ
ଘ୍ରାଣେନ୍ଦିୟ ଭୋକ କାର
ଆଜି କାର ପିଲା
ଅତରକୁ ମାଖି
ଘ୍ରାଣ ତୃପ୍ତି କରେ ତା'ର
ଭୋକ ମେଣ୍ଟିଯାଏ
ଜିହ୍ୱା ଇନ୍ଦ୍ରିୟର
ସାତ୍ତ୍ୱିକ ଆହାରେ କାର
ଚିଙ୍ଗୁଡ଼ି ଇଲିଶି
ମଦ ମାଂସେ ପୁଣି
ତୃପ୍ତ ହୁଏ ଜିହ୍ୱା କାର
ସ୍ପର୍ଶ ଇନ୍ଦ୍ରିୟର
ଭୋକ ମେଣ୍ଟାଇବା
ହୋଇଥାଏ ବଡ କଷ୍ଟ
ଜ୍ଞାନି ଠାରୁ ଗୁଣୀ
ଋଷି ଠାରୁ ମୁନି
ଵଶ କରେ ସେହି ଦୁଷ୍ଟ
ପେଟର ତ ଭୋକ
ମେଣ୍ଟି ଯାଇଥାଏ
ଗଣ୍ଡେ ଖାଇପିଇ ଦେଲେ
ଶରୀରର ଭୋକ
ବଢ଼ି ବଢ଼ି ଚାଲେ
କାମନାର ଵଶ ହେଲେ
ଶରୀର ଅଟଇ
ରଥ ଯେ ଆମର
ଆତ୍ମା ସାରଥୀ ତାର
ଶରୀର ରଥକୁ
ସତ୍ୟ ପଥେ ନେଇ
ଚାଲି ଥାଏ ନିରନ୍ତର
ଶରୀର ଭୋକ
ବିଷୟ ଵାସନା
ସଂଯମତା ପ୍ରତିକାର
ଆତ୍ମାର ଭୋକ
ଲୀନ ହୋଇଯିବ
ପରମାତ୍ମା ସଙ୍ଗେ ତାର
