ମାଆଙ୍କ ନବରାତ୍ର ପୂଜା
ମାଆଙ୍କ ନବରାତ୍ର ପୂଜା
ଶରତ ଋତୁର ଆଗମନେ ଆଜି
ଧରା ଉତ୍ସବ ମୁଖର,
ଦୁର୍ଗତି ନାଶିନୀ ପୂଜା ପାଇଁ ଆଜି
ସର୍ବେ ଆଜି ତତ ପର ।
ଧରଣୀ ବକ୍ଷରୁ ରାକ୍ଷସ ବିନାଶୀ
ପାପକୁ କରିବେ ଦୂର,
ନବରାତ୍ରି ପୂଜା ଆଜ କରିଥିଲେ
ଲଙ୍କାରେ ଯେ ରଘୁବୀର ।
ଦେବୀଙ୍କୁ ଆରାଧି ମାତୃକୃପା ଲଭି
ପାପର କରିଲେ କ୍ଷୟ,
ନଅଦିନ ଧରି ଭିନ୍ନ ଭିନ୍ନ ରୂପେ
ପୂଜିଥିଲେ ରଘୁଵୀର ।
ପ୍ରଥମ ଦିନରେ ପୂଜିଥିଲେ ପ୍ରଭୁ
ମାତା ଶୈଳପୁତ୍ରୀ ରୂପେ,
ଦ୍ଵିତୀୟ ଦିନରେ ପୂଜିଥିଲେ ପ୍ରଭୁ
ମା ବ୍ରହ୍ମଚାରିଣୀ ରୂପେ ।
ତୃତୀୟ ଦିନରେ ପୂଜିଥିଲେ ପ୍ରଭୁ
ମାତା ଚନ୍ଦ୍ରଘଣ୍ଟା ରୂପେ,
ଚତୁର୍ଥ ଦିନରେ ପୂଜିଥିଲେ ପ୍ରଭୁ
ମାତାଙ୍କୁ କୁଷ୍ମାଣ୍ଡା ରୂପେ ।
ପଞ୍ଚମ ଦିନରେ ପୂଜିଥିଲେ ପ୍ରଭୁ
ମାତା ସ୍କନ୍ଧମାତା ରୂପେ,
ଷଷ୍ଠ ଦିନରେ ପୂଜିଥିଲେ ପ୍ରଭୁ
ମାତା କାତ୍ୟାୟିନୀ ରୂପେ ।
ସପ୍ତମ ଦିନରେ ପୂଜିଥିଲେ ପ୍ରଭୁ
ମାତା କାଳରାତ୍ରୀ ରୂପେ,
ଅଷ୍ଟମ ଦିନରେ ପୂଜିଥିଲେ ପ୍ରଭୁ
ମାତା ମହାଗୌରୀ ରୂପେ ।
ନବମ ଦିନରେ ପୂଜିଥିଲେ ପ୍ରଭୁ
ମାଆ ସିଦ୍ଧିଦାତ୍ରୀ ରୂପେ,
ନଅଦିନ ଧରି ଦର୍ଶନ ଦିଅନ୍ତି
ନଅ ଗୋଟି ଭିନ୍ନ ରୂପେ ।
ନବରାତ୍ରୀ ପୂଜା ଆରମ୍ଭ ହୋଇଲା
ଉତ୍ସବ ମୁଖର ହୋଇ,
ମା ସିଂହ ବାହିନୀ ପୂଜା ପାଉଛନ୍ତି
ନଅଗୋଟି ନାମ ନେଇ ।
ନବରାତ୍ରେ ମାଗୋ ନଅ ରୂପ ଧରି
ମରତେ ଆସ ମା ବୁଲି,
ସୁଖ ଶାନ୍ତି ଦିଅ ମନୁଷ୍ୟ ଜୀବନେ
ଅନୀତି ଯାଉ ସେ ଭୂଲି ।
ଘରେ ଘରେ ଆଜି ଆନନ୍ଦ ଉତ୍ସହ
ମାଆଙ୍କର ପୂଜା ପାଇଁ,
ଆବିର୍ଭାବ ହେବେ ଦେବୀ ଦଶଭୁଜା
ସଭିଏଁ ଅଛନ୍ତି ଚାହିଁ ।
ଅଷ୍ଟଭୁଜା ଧାରୀ ମହିଷାମର୍ଦ୍ଦିନୀ
ତେଜସ୍ୱିନୀ ନାମ ଵହି,
ଭକ୍ତଙ୍କୁ ଦର୍ଶନ ଦିଅନ୍ତି ଯେ ମାଆ
ଶରତେ ଆସିଣ ମହୀ ।
ନବରାତ୍ର ଯିଏ ଭକ୍ତିରେ କରଇ
ସୁଦୟା ହୁଅନ୍ତି ମାଆ,
ରୋଗଶୋକ ସବୁ ଦୂର କରିଥାନ୍ତି
ଭକ୍ତକୁ ହୁଅନ୍ତି ସାହା ।
ମହିଷା ମର୍ଦ୍ଧିନୀ ତ୍ରିଶୂଳ ଧାରଣୀ
ମୁକ୍ତି ପ୍ରଦାୟିନୀ ମାଆ,
ଆସ ଅବତରି ଏ ଧରାଧାମକୁ
ଗୁହାରୀ କରୁଛି ମାଆ ।