ଭୋକ

ସଂସାର ର ବଡ ଦୁଃଖ 

ମଣିଷ ପେଟର ଭୋକ

ଏ ଦୁନିଆ ବଡ ହାଟ

ଭୋକ ପାଇଁ ଲାଗେ ନାଟ

ମଣିଷ ତା'ଭୋକ ପାଇଁ 

କେତେ ହୁଏ ହାଇଁ ପାଇଁ

ମଣିଷ ପେଟର ଭୋକ 

ଦାଣ୍ଡେ ଠିଆ କରେ ଦେଖ

ପିଲା ଠାରୁ ବୁଢା ଯାଏଁ 

ଏ ଭୋକ ଛାଡେନି ହାଏଁ

ଭୋକ ରହିଛି ପେଟରେ

ପେଟ ଦଳୁଛି ଭୋକରେ

ଏ ଭୋକ ଯନ୍ତ୍ରଣା ବଡ

ଖାଏ କେତେ ଦୁଃଖ, ମାଡ

ପଇସା ଥିଲେ କି ଭାଇ 

ଭୋକ ପାରିବ ଦୂରେଇ

ଭୋକ ମାରାତ୍ମକ ରୋଗ 

ରଖେନି କିଛି ଆବେଗ

ଆଣିଦିଏ ଅପପୁଷ୍ଟି 

ପ୍ରଭୁଙ୍କର ଏହି ସୃଷ୍ଟି

ଆହେ ପ୍ରଭୁ ଦୀନବନ୍ଧୁ 

ଝରୁଛି ଭୋକ ର ସିନ୍ଧୁ

ସେ ଝରକୁ ଊଣା କର

ହେ, ପ୍ରଭୁ କରୁଣାକର

ତୁମରି ଆଶିଷ ପାଇ 

ଏ ଭୋକ ଯାଉ ଦୂରେଇ