ଲାଇବ୍ରେରୀ
ପ୍ରୋଫାଇଲ୍
ଭୋକ
ଭୋକ
1 min
232
ମଣିଷ ଏଠି କାହିଁ କେତେ କାଳରୁ ଖୋଜୁଛି
ତା ମନରେ କେତେ ଭୋକ କେତେ ତୃଷ୍ଣା
ଆଉ ଆଶା ଆକାଂକ୍ଷା
ଜୀବନ ଚଲା ରାସ୍ତାରେ ନିଇତି ଝୁଣ୍ଟି
ରକ୍ତାକ୍ତ ହଉଛି ତଥାପି ଚାଲିଚି
ଅନାଦି କାଳରୁ ଥିବା ତୃଷ୍ଣା ମେଣ୍ଟେଇବା ପାଇଁ
ହଁ ତୃଷ୍ଣା...
ବଡ଼ ଲୋକ ହେବାର ତୃଷ୍ଣା
ପ୍ରତିସ୍ପର୍ଦ୍ଧାଙ୍କ ସହ ପ୍ରତିଯୋଗିତା କରେ
ଜିତ ରାସ୍ତାର କଣ୍ଟାକୁ ଉପାଡ଼ି ଫୋପାଡ଼ି ଦିଏ
ତଥାପି ତୃଷ୍ଣା ମେଣ୍ଟେନି
ବଳବତ୍ତର ହୋଇ ଚାଲେ...
ଆଉ ଏକ ତୃଷ୍ଣା ପେଟର
ତା ପାଇଁ ମଣିଷ ନିଇତି ଲଢ଼ୁଛି
କିଏ ଭିକ ମାଗୁଛି ତ କିଏ
ରାସ୍ତା କଡ଼ର ଗଦା ଗଦା ଅଇଁଠାପତ୍ର ତଳୁ
ମୁଠାଏ ଭାତ ସାଉଁଟୁଛି
ଆଉ କିଏ ନିଜ ପିଲାକୁ ବିକୁଛି
ଏଇ ପେଟ ନାଟ ପାଇଁ
ସମାଜ କାହାକୁ ଶଳା ଶାଳୀ ଶୁଣାଏ
କାହାକୁ ହଜମ ବଟିକା ଦିଏ...
