ସମ୍ପର୍କ
ସମ୍ପର୍କ
1 min
123
ଯତ୍ନରେ ଗଢୁ ଗଢୁ
ଖସି ଯାଏ ସମୟର ଫାଙ୍କରେ
ଆଙ୍ଗୁଳି ସନ୍ଧିରେ ପୁଣି
ଜୋର କରି ଥାପିଥିବା ପାପୁଲିରୁ
ଲିପାପୋଛା ମନ ଅଗଣାରେ
ପୋତିଥିବା ଛୋଟିଆ ସମ୍ପର୍କ ର ଚାରା
ସ୍ନେହ ଆଉ ସରାଗ
ପ୍ରିତି ଆଉ ଫଗୁଣ କୁ ନେଇ
ଭୂଇଁ ତାଡି ଦୁଇ ପତ୍ରୀ
ହେଉ ହେଉ
କାହାର ନିର୍ଦ୍ଧେଷ ରେ
ମୋଡ଼ି ମାଡି ହେଇ
ଲୋଟି ଯାଏ ;
ମୃତ ପ୍ରାୟ
ଶରୀର ଥାଇ ମଧ୍ୟ
ସେ ହୁଏ ଅଚଳ ;
ଇଚ୍ଛା ମୃତ୍ୟୁ ର ଦଲିଲ
କେବେ ଠୁଁ ସ୍ଵାକ୍ଷରିତ
ଅଥଚ ମୃତ୍ୟୁ ବି ଅପହଞ୍ଚ
ଦୂର ଦେଶୀ ବନ୍ଧୁ ଆଉ
ଦୂର ପାହାଡ଼ ସବୁବେଳେ ସୁନ୍ଦର
ସମ୍ପର୍କ ବି ଏକ ବୃଥା ଆଶ୍ୱାସନା
ଏକ ବିଡମ୍ବନା ;
କେବେ ନୁହେଁ
ଏକ ସମ୍ଭାବନା ।