ସମ୍ପର୍କର ସଂଜ୍ଞା ବଦଳି ଯାଇଛି

କେମିତି ଗଢିଲ       ଏମିତି ସମ୍ପର୍କ

      ଅଧୁରା ଲାଗୁଛି ସତେ l

ସମ୍ପର୍କର ସଂଜ୍ଞା      ବଦଳି ଯାଇଛି

    ଏମିତି ଲାଗୁଛି ମୋତେ ll

ମଣିଷ ଠୁ ଶିଖି      ପ୍ରକୃତି ଯେ ମଧ୍ୟ

     ସମ୍ପର୍କର ସଂଜ୍ଞା ଭୁଲିଛି l

ବୈଶାଖ ମାସରେ   ଟାଣ ଖରା ଭୁଲି

      ବର୍ଷା ସହିତ ବୁଲୁଛି ll

ଶ୍ରାବଣ ମାସ ଯେ    ବର୍ଷା ସାଥି ଛାଡ଼ି

    ଖରା ସାଥେ ହୁଏ ମେଳ l

ମାଘ ମାସେ ଆଉ    ବାଘୁଆ ଶୀତ ର

     ପଡୁନାହିଁ ଆଉ ତାଳ ll

ଇନ୍ଦ୍ରଧନୁର ଯେ     ସାତ ରଙ୍ଗ ମଧ୍ୟେ

    ଯେଉଁ ରଙ୍ଗ ଟିକେ ନାହିଁ l

ସେଇ ରଙ୍ଗର ଯେ     ବଢୁଛି ଚାହିଦା

     ଅନ୍ୟର ଆଦର ନାହିଁ ll

ସମ୍ପର୍କର ରଙ୍ଗ      ଫିକା ପଡ଼ିଲାଣି

      ମଣିଷର ଭୁଲ ପାଇଁ l

ଆଧ୍ୟାତ୍ମିକ ଠାରୁ     ଦୂରେଇ ଯାଇଛି

      ଏହି ଆଧୁନିକ ପାଇଁ ll

ସବୁ ଦେଖି ଜାଣି    କେତେ ବା ସାହିବ

     ପ୍ରକୃତିର ନାହିଁ ବଳ l

ସମ୍ପର୍କର ସଂଜ୍ଞା       ମଣିଷ ଭୁଲିଛି

    ନିଶ୍ଚେ ହବ ଦିନେ କାଳ ll

ଏବେବି ରହିଛି        ଅଳପ ସମୟ

       ରକ୍ଷା କର ପ୍ରକୃତିକୁ l

ସମ୍ପର୍କର ସଂଜ୍ଞା       ବୁଝି ନିଅ ତୁମେ

     ଫେରିଯାଅ ପ୍ରାଚୀନକୁ ll