ଆଉ ଏକ ପାଦ ଆଗକୁ...

ଜୀବନର ଆଉ ଏକ ପାଦ ଆଗକୁ 

ଖରା ଆସିଲେ ଆସୁ 

ଲାଗେ ଛାଇ ପରି କୋମଳ, 

ଝଡ଼ ଆସିଲେ ଆସୁ 

ଲାଗେ ବର୍ଷା ଠାରୁ ବି ଶୀତଳ 

ଥିଲେ ଦୁହେଁ ସାଥିରେ, 

କେବେ ଅଙ୍ଗନରେ, ମନ ଦର୍ପଣରେ... |

ସମ୍ପର୍କର ଆଉ ଏକ ଫର୍ଦ ଆଗକୁ 

ଲୁହ ଆସିଲେ ଆସେ, ଯାଏ... 

ଝରି ଯାଏ ମୁକ୍ତା ହୋଇ, 

ମନ ନ ମାନିଲେ ରୁଷେ, 

ରୁଷି ପୁଣି ନରମି ଯାଏ, 

ଜିତେ, ଜିତି ପୁଣି ହାରେ, 

ହାର୍ର ରେ ଥାଏ ତ ପ୍ରେମ... 

ସେ ନିଆରା ଯତ୍ନରେ,ସେ ସୋହାଗ ସ୍ବପ୍ନରେ... |

ବିଶ୍ୱାସର ଆଉ ଏକ ଅର୍ଘ୍ୟ, କାଲିକୁ.. 

ଭାଙ୍ଗେ, ଯୋଡ଼େ,ପୂର୍ଣ୍ଣ ହୁଏ.. 

ପ୍ରତି ସ୍ପର୍ଶରେ,ପ୍ରୀତି ପ୍ରତିଶୃତିରେ... 

ଏ ମନ ପବନରେ, ସେ ଫୁଲ ଫଗୁଣରେ 

ସ୍ମୃତି ଯେ ଆଙ୍କି ହୁଏ ପୁଣି, ନୂଆ ଫର୍ଦ୍ଦରେ, 

ଏ ମନ ମନ୍ଦିରରେ,ସେ ସିନଥି ସିନ୍ଦୁରରେ 

ଏ ଭରା ବସନ୍ତରେ, ସେ ସାରା ଶ୍ରାବଣରେ... |