ଲାଇବ୍ରେରୀ
ପ୍ରୋଫାଇଲ୍
ବଳଦ
ବଳଦ
ବଳଦ
*****
ମଣିଷ ଜାତିର ତଥା ସମଗ୍ର ବିଶ୍ୱର
ଆହାର ଯୋଗାଇବାର ଯେଉଁ ମୁଖ୍ୟ ବ୍ୟବସ୍ଥା
ତାର ମେରୁଦଣ୍ଡ ବଳଦ କହିଲେ ଯେ
ଭୁଲ ହେବନାହିଁ ଏହା ହିଁ ସତ୍ୟ
କେବଳ ତାହା ନୁହେଁ ଏହା ଆମର
ପ୍ରାଚୀନ ପରମ୍ପରା ଓ ଭକ୍ତି ଭାବ ସହିତ
ନିରବଚ୍ଛିନ୍ନ ଭାବେ ଜଡ଼ିତ ଥିଲା ଆଉ ଥିବ ll
ଟାଣ ଢ଼ିପ କିମ୍ବା କାଦୁଅ ଜମି
ଏ କଥାକୁ କେବେ ନଜର ଦେଇନି
ଆଉ ନିଜର ହକ ମଧ୍ୟ ମାଗିନି
ସାହୁକାର ପାଖରୁ
ବେଳେ ବେଳେ ଅମାନିଆ ହୁଏ ପ୍ରଥମେ ପ୍ରଥମେ
ତବଦଳରେ ଖାଏ ଗୁଡାଏ ମାଡ଼
ବାଟକୁ ନ ଆସିବା ପର୍ଯ୍ୟନ୍ତ
ମଥା ପାତି ସହିନିଏ ସବୁ
କେବେବି ପ୍ରତିବାଦ କରେନାହିଁ ll
ପୂଜ୍ୟ ପୂଜା ର ପ୍ରତୀକ ମଧ୍ୟ ସେ
ମନେ ପଡେ ଗହ୍ମା ପୁନେଇ ଦିନ
କେତେ ଯତ୍ନ କେତେ ଆଦର
ସବୁଦିନ ଅପେକ୍ଷା ନିଶ୍ଚିତ କିଛି ଅଲଗା
ଆଉ ନିଆରା ଢଙ୍ଗରେ ll
ବିଜ୍ଞାନ ଆଗେଇଛି ସତ
ବଳଦ ର ସ୍ଥାନ ମେସିନ ମାଡି ବସିଛି
ତୁଳନାତ୍ମକ ଭାବେ ଅଧିକ କାର୍ଯ୍ୟ କରୁଛି ସତ
କିନ୍ତୁ ଧର୍ଯ୍ୟ ସହନଶୀଳତା ନମ୍ରତା
କର୍ମତତ୍ପରତା ବାଧ୍ଯତା ଆଜ୍ଞାବହତା
ବିସ୍ଵସ୍ତତା ର ପ୍ରତୀକ ବଳଦ
ଏହା କିନ୍ତୁ ସ୍ୱୀକାର କରିବାକୁ ହେବ ll
ଶଗଡ଼ିଆ ଭାଇର ଆଗରେ ଥାଇ
ଶୁଣିଥାନ୍ତି କେତେ ଜାତି ଗୀତ
ସେ ଦୃଶ୍ୟ ଆଜି ସ୍ବପ୍ନ ପରି
ଚଷା ପୁଅର ସବୁବେଳେ ପ୍ରିୟ ଓ ନିଜର
ସମଗ୍ର ବିଶ୍ୱ ପାଇଁ କେତେ ଯେ ତ୍ୟାଗ କରିଛି
ଝଡ଼ ବର୍ଷା ଶୀତ କକର ସହି
ତାର ତୁଳନା ନାହିଁ ll
କିନ୍ତୁ ଦୁନିଆ ଦେଇଛି ତାକୁ ବଳଦର ନାଁ ll
