ଭୋକ ଦିବସ

ବ୍ୟକ୍ତି ବିଶେଷଙ୍କ ମରିବା ପରେ 

କାନ୍ଦନ୍ତି ସଭିଏଁ

ହେଲେ କେହି ଜଣେ ମରିବା ପରେ

କାନ୍ଦନ୍ତିନି କିଏ

କିଏ ସିଏ

ପେଟରେ ଯେବେ ନିଆଁ ଲାଗେ ତାକୁ 

ଭୋକ ନାଁ ଦିଆଯାଏ

ଅପଣାନ୍ତି ଅନେକ ପନ୍ଥା ପେଟର

ଭୋକକୁ ମାରିବା ପାଇଁ

ଅତ୍ୟଧିକ ଭୋକ ଆଖି ଦରଜା 

ଦେଇ ଲୁହ ହୋଇ ଆସେ ବହି

ହାତ ଦୁଇଟି ଆପେ ଆପେ ବଢିଯାଏ

ଆଗକୁ କିଛି ଖାଦ୍ୟ ଆଶାରେ

ନଚେତ ଖୋଜୁଥାଏ ଡଷ୍ଟବିନ ଥିବା 

କୁଢ଼ କୁଢ଼ ଅଳିଆ ଗଦାରେ

ମିଳିଗଲେ କିଛି ଅଇଁଠା ,ପୋକ

ସାଲୁସାଲୁ ଖାଦ୍ୟ ମିଳିଯାଏ ଆତ୍ମତୃପ୍ତି

ଅବଶ ଦେହ ଆଉ ନିସ୍ତେଜ ଆଖିକୁ ମିଳିଯାଏ 

କିଛି କ୍ଷଣ ପାଇଁ ଶକ୍ତି

ମରିଯାଏ ପେଟର ଭୋକ ଓଠେ ଖେଳେ 

ଚିମୁଟାଏ ହସ

ପୁଣି ଜୀଵନ ସହ ଯୁଝିବାକୁ ହୁଏ

ଅପେକ୍ଷାରେ ଥାଏ ଆଉ ଏକ ଭୋକ ଦିବସ