ଲାଇବ୍ରେରୀ
ପ୍ରୋଫାଇଲ୍
ତୁମେ ସାଥୀଟିଏ
ତୁମେ ସାଥୀଟିଏ
1 min
136
ସତ୍ତାହୀନ ଏଇ ଜୀବନରେ ମୋର
ତୁମେ ଏକା ସାଥୀଟିଏ,
ସ୍ମୃତି ରାଇଜରୁ ଭାସିଆସ ତୁମେ
ଯେବେ ଏକାନ୍ତରେ ଥାଏ।
ମୁଁ ଯଦି ହୁଏ ନୀଳକଇଁଟିଏ
ତୁମେ ପରା ଜହ୍ନରାତି,
ତୁମେ ଯଦି ହୁଅ ସଞ୍ଜବେଳଟିଏ
ମୁଁ ହେବି ସଞ୍ଜବତୀ।
ତୁମେ ଯଦି ହୁଅ ଅଲେଖା ଡାଇରୀ
ମୁଁ ଲେଖିବି ପ୍ରେମ ଗାଥା,
ତୁମେ ପଢୁଥିବ, ପଢି ହସିଥିବ
ଆମ ଶାଶ୍ୱତ ପ୍ରେମର କଥା।
ତୁମେ ଯଦି ହୁଅ ଅପହଞ୍ଚ ଇଲାକା
ମୁଁ ଅନ୍ତହୀନ ଅପେକ୍ଷା,
ସବୁ ଜନ୍ମ ପାଇଁ ମୋ ଚକ୍ଷ୍ୟୁ ଯୁଗଳେ
ତୁମ ଛବି ହେଉ ଅଙ୍କା।
