ଗାନ୍ଧୀ ହେ

ଗାନ୍ଧୀ ହେ !

ତୁମେ ଆସିବ କି ଥରେ ଫେରି,

ତୁମ ସତ୍ୟ ,ଅହିଂସାର ବାର୍ତ୍ତାକୁ ଧରି...

ସାବରମତୀର ସନ୍ଥ ତୁମେ,

ତୁମେ ତ ଯୁଗପୁରୁଷ..

ଶାନ୍ତି , ମୈତ୍ରୀର ଲକ୍ଷ୍ୟ ନେଇ

ପୁଣି ଥରେ ଫେରି ଆସ।

ଗାନ୍ଧୀ ହେ.! 

ତୁମେ ଏ ଦେଶର 

ଥିଲ ସୁଯୋଗ୍ୟ ସନ୍ତାନ,

ତୁମ ନୀତି ଆଦର୍ଶ ,ସାଧନା ଫଳରେ

ହେଲୁ ସିନା ଆମେ ସ୍ୱାଧୀନ.. 

ତଥାପି ପୂରଣ ହୋଇଛି କି କୁହ

ତୁମ ରାମରାଜ୍ୟର ସପନ !

ଆବାଳବୃଦ୍ଧବନିତା ମନରୁ

ଯାଇନି ଭୟ,

ସତ୍ୟର ବେକରେ ଛୁରାଘାତ ହୁଏ

ଅସତ୍ୟର ହୁଏ ଜୟ...

ଦଳିତ ,ଦୁର୍ବଳ ନୁହେଁ ସୁରକ୍ଷିତ

କାହୁଁ ବାଦ୍ ଯିବ ନାରୀ,

ଗାନ୍ଧୀ ହେ..

ତୁମେ ଆସିବ କି ଥରେ ଫେରି

ତୁମ ସତ୍ୟ ଅହିଂସାର ବାର୍ତ୍ତାକୁ ଧରି।