Library
ହସ ଦେଖିଛି ଲୁହ ଦେଖିଛି
ହସ ଦେଖିଛି ଲୁହ ଦେଖିଛି
ହସ ଦେଖିଛି ଲୁହ ଦେଖିଛି
ସୁଖ ଦେଖିଛି ଦୁଃଖ ଦେଖିଛି
ଦେଖିଛି ସ୍ଵପ୍ନ କେତେ ଯେ
ଜୀବନେ ମୋ'ର
ଏହି ହସ ଲୁହର ଚକ୍ର ବ୍ୟୁହରେ
ଏହି କି ଜୀବନ ସଂଜ୍ଞା ମୋ'ର ?
ପ୍ରେମ ଦେଖିଛି ପ୍ରଣୟ ଦେଖିଛି
ଦେଖିଛି ଯନ୍ତ୍ରଣା ଦାୟକ ମୁହୂର୍ତ୍ତ
ମୋ ଅତୀତ ଜୀବନର
କେତେ ଯେ କଥା କେତେ ଯେ ଗାଥା
ନିଭେଇଛି ଅଙ୍ଗେ ମୋ'ର ।
ଭୋକ ମାରିଛି ଶୋକେ ମରିଛି
ଛଟପଟ ହୋଇ ସମୟ ସାରିଛି
ଗରିବୀ ଜାଳିଛି ଅଭାବ ଜଳିଛି
ଜୀବନେ କେତେ ଅନୁଭବ
ଅନୁଭୂତି କରିଛି
ଆଜି ଯାଏଁ ଏ ଜୀବନ ର ସଂଜ୍ଞା
ବୁଝି ନ ବୁଝିଲା ପରି ରହୁଛି ।
ପରିବାର ଦେଖିଛି
ପରିବେଶ ଦେଖୁଛି
ପ୍ରିୟା ଦେଖିଛି ପ୍ରୀତି ଦେଖିଛି
ଜୀବନର ଅଙ୍କା ବଙ୍କା ରାସ୍ତା ରେ
ପ୍ରିୟା ପ୍ରୀତି ପ୍ରଣୟର
ଆଜି ମୁଁ ସଂଜ୍ଞା ଖୋଜୁଛି ?
ନୀତି ଦେଖିଛି ଅନୀତି ଦେଖିଛି
ଆଜିର ସମାଜେ ଦୁର୍ନୀତି ଦେଖୁଛି
ଭ୍ରଷ୍ଟାଚାର ଭ୍ରଷ୍ଟାଚାରୀଙ୍କୁ ଦେଖୁଛି
ସତେ ଭ୍ରଷ୍ଟଙ୍କ ହସ୍ତେ
ଏ ଦେଶ ସମାଜ ବନ୍ଧା ପଡିଛି
ବିଶୃଙ୍ଖଳାର ଶୃଙ୍ଖଳ ମଧ୍ୟେ
ଯେପରି ଏ ବିଶ୍ଵ ବନ୍ଧା ପଡ଼ିଛି ।
ମାୟା ମୋହରେ
ଆଜି ର ମଣିଷ ବୁଡି ଯାଇଛି
ବିଷୟା ଲାଳସା ରେ
ଆଜି ସଢି ଯାଇଛି
ସମଗ୍ର ମାନବ ସଭ୍ୟତା ର
ସ୍ଵାର୍ଥାନ୍ଧ ମଣିଷ ଆଜି
ଅର୍ଥ କ୍ଷମତା ଲୋଭେ ପଡି
ସମ୍ପର୍କର ମାନେ
ଏବେ ଏ ମଣିଷ ଭୁଲି ଯାଇଛି ।
ମରି ମରି ଆଜି ଏ ମଣିଷ ବଞ୍ଚୁଛି
କେବଳ କୁ ବୁଦ୍ଧି ମନେ ପାଞ୍ଚୁଛି
ଖାଲି ଧନ ସଞ୍ଚୁଛି
ଜ୍ଞାନୀ ବୋଲି କହି ଅଜ୍ଞାନ ବାଣ୍ଟୁଛି
କେତେ କଥା କେତେ ବ୍ୟଥା ନେଇ
ଜୀବନେ ଅନେକ ଝଡ ଆସିଛି
ଦେଶ, ସମାଜ,
ସାମାଜିକ ବ୍ୟବସ୍ଥା ର
ନାନା ପ୍ରକାର ଭେଦ ଦେଖିଛି
ଏମିତି ଏ ଜୀବନ ଯାତ୍ରାରେ
କେତେ ହସ ଦେଖିଛି
କେତେ ଲୁହ ଦେଖିଛି
ସୁଖ ଦେଖିଛି ଦୁଃଖ ଦେଖିଛି ।
