Library
ସାଜିଛି ମୁଁ ନୀରବଦ୍ରଷ୍ଟା
ସାଜିଛି ମୁଁ ନୀରବଦ୍ରଷ୍ଟା
ସାଥୀଟିଏ ମୁଁ କୃଷକର
ସାଥୀଟିଏ ମୁଁ ଶ୍ରମିକର
କୃଷକ ଓ ଶ୍ରମିକର ମୂଲ୍ୟ ବୁଝେନା
ଏ ତଥାକଥିତ ସରକାର
ତେଣୁ ସାଜିଛି ମୁଁ ନୀରବଦ୍ରଷ୍ଟା
ନାହିଁ ମୋର କିଛି କରିବାର ।
ଏ ପୁଞ୍ଜିବାଦ ବ୍ୟବସ୍ଥା ଭିତରେ
ପୁଞ୍ଜି ହିଁ ସବୁଠି ଦରକାର
ନୀତି ନୈତିକତା ଶ୍ରମର ମୂଲ୍ୟ
ବୁଝୁଛି କି ଆଜି ଏ ସରକାର ?
ଧର୍ମ ନାମରେ ଜାତି ନାମରେ
ଗାଦି ଖାଲି ଏମାନଙ୍କୁ ଦରକାର
ଖଟିଖିଆ ମଜୁରିଆ ମୂଲିଆଙ୍କ
ବୁଝେନି ମୂଲ୍ୟ ଜୀବନ ଜୀବିକାର
ଖାଲି ଖୋସାମଦ୍ ତୋଷାମଦିଆର
ଚାଟୁକାରିତାରେ ଚାଲିଛି
ଆଜି ଆମ ଏ ସଭ୍ୟ ଶିକ୍ଷିତ ସରକାର
ଶିକ୍ଷିତ ଯୁବକ ଯୁବତୀ ଆଜି ବେକାର
କୃଷକ ଶ୍ରମିକଙ୍କ ଜୀବନ ହାହାକାର
ମିଛ ପ୍ରତିଶ୍ରୁତି ମିଛ ଭାଷଣରେ
ଚାଲେ ଏ ଦେଶେ ଆମ ସରକାର
କାଙ୍ଗାଳି ଭୋଜନ ମଧ୍ୟାହ୍ନ ଭୋଜନେ
ବିକାଶର ନାରା ଦିଅନ୍ତି
ଆମ ଲୋକପ୍ରତିନିଧି
ଆମ ଏ ଲୋକପ୍ରିୟ ସରକାର ।
ସବୁ ଦେଖି ସବୁ ଶୁଣି
ମୁଁ ସାଜିଛି ନୀରବଦ୍ରଷ୍ଟା
ସବୁ ନାହିଁ ନାହିଁ ଭିତରେ
ବଞ୍ଚନ୍ତି ଆମ ଏ ଭକୁଆ ଜନତା
ଜନତାର ସ୍ଵର ନୁହଁଇ କଠୋର
ନେତା ରାଜନେତା ସେ ପାଇଁ
ଆମ ସଭିଙ୍କ ଭାଗ୍ୟ ବିଧାତା
ପୁଞ୍ଜିପତି, ଶିଳ୍ପପତି ଓ ଉଦ୍ୟୋଗପତି
ଦେଶ ସମାଜର ଭାଗ୍ୟନିୟନ୍ତା
ନାହିଁ ନୀତି ନାହିଁ ନୈତିକତା
ଅସାଧୁ ଉପାୟେ ନିର୍ବାଚିତ
ହୁଅନ୍ତି ଆମ ସଭିଙ୍କ ନେତା
ଭକୁଆ ସାଜନ୍ତି ଆମ ନିରୀହ ଜନତା
ମୁଁ ଓ ମୋ ଭଳି ବୁଦ୍ଧିଜୀବି ସାଜନ୍ତି ଭକୁଆ
ସାଜନ୍ତି ନୀରବଦ୍ରଷ୍ଟା
ସେ ପାଇଁ ସାଜିଛି ମୁଁ ନୀରବଦ୍ରଷ୍ଟା ।
ନୀତି ଅନୀତିର ବିଚାର ନ କରି
ବାଛନ୍ତି ସେମାନେ ସେମାନଙ୍କ ନେତା
କୃଷକ ଶ୍ରମିକ ହତାଶ ଆଜି
ସର୍ବହରା ହୋଇଛନ୍ତି ଖାଲି ବକ୍ତା
ମିଛ ପ୍ରତିଶ୍ରୁତି ମିଛ ଆଦର୍ଶର
ଦ୍ଵାହିଦେଇ ସମାଜେ
ସେମାନେ ସାଜିଛନ୍ତି କୁତା
ନୀତି ନାହିଁ କି ଆଦର୍ଶ ନାହିଁ
ସର୍ବହରା ମାନେ ହୋଇଛନ୍ତି
ଏ ସମାଜେ ନୀରବଦ୍ରଷ୍ଟା
ସେ ପାଇଁ ଆଜି
ସାଜିଛି ମୁଁ ନୀରବଦ୍ରଷ୍ଟା ।
