ଭୋକ (୧ )

ଭୋକ-(୧)

ବରା, ପକୁଡ଼ି, ଗୁଲଗୁଲା ଆଉ ଗିଲାସେ ପାଣିରେ

ବି କାବୁ କରିହୁଏ ଭୋକକୁ,

ବୁଝାଇ ବି ହୁଏ ତା ଅଝଟପଣ

ପେଟରେ ଓଦା କନା ବାନ୍ଧି

ବୋଲ ବି କରିହୁଏ ତା ବିକଳପଣ

କିଛି କ୍ଷଣ !

ଅଇଁଠା ଖଲିର ଅବଶିଷ୍ଟ ଅନ୍ନ

ଆଉ ଉଛିଷ୍ଟ

ଭୋକର ମାନ ରଖିବାକୁ ଯଥେଷ୍ଟ

କ୍ଷୁଧାର ଉଦ୍ୟତକୁ କରିବାକୁ ନଷ୍ଟ !

ଖୋଜାହୁଏ ପ୍ରତିଟି ଚେହେରାରେ ଈଶ୍ୱର

କିଏ ତ ଶୁଣିବ ଭୋକର ଆତୁର ଚିତ୍କାର

କିଏ ତ ବୁଝିବ ଆକୁଳଭାଵ ଆଉ ଆବେଗ

ଦାନ କରି ଦାନୀ ହୋଇ

ପୁଣ୍ୟ ଅର୍ଜିବାର ନେବ ସୁଯୋଗ ।

ସ୍ୱାଭିମାନୀ ଭୋକର ତ ସବୁଦିନ ଅନଶନ

ନିତି ଉପାସ,

ଭୋକ କାନ୍ଦି ପାରେ ନା

ସେ ଦାଦନ ଫେରନ୍ତା

ଶୂନ୍ୟହସ୍ତା ପ୍ରତାରିତ ବାପ,

ଇଛା ଵାହୁନି ଵାହୁନି କାନ୍ଦନ୍ତା ଅଝଟ ଶିଶୁ ପରି

ପୂର୍ଣ୍ଣ ନ ହେଲେ ତା ଇଛା ମୁତାବକ ।

ଭୋକ ପୁଣି ଲତା ଲାଜକୁଳି,

ଝାଉଁଳି ପଡେ ମୁହଁ ଶୁଖାଇ

ଅପୂର୍ଣ୍ଣ ରହିଲେ ଥାଳି ଆଉ ତା' ଅଳି !

ସୀମା ଲଙ୍ଘିଲେ

ଭୋକ ହୁଏ ହିଂସ୍ର,

ବହଳ ଅନ୍ଧକାରରେ ଛୁରିକୁ ଲାଲ କରି

ଖୋଜେ ମୄତପିର ମୁଣିରୁ ଠିକଣା

ହାଣ୍ଡିଶାଳର,

ହୋଟେଲ ଅବା ଢ଼ାବାକୁ ଯିବାର

ସରଳ ସହଜ ପ୍ରବେଶ ପତର।।

ଭୋକ !

ଏବେ ଭୋକ ନୁହେଁ ରେଷ୍ଟୁରlଣ୍ଟରେ,

କ୍ଷୁଧା.!

ଏକ ବିଜ୍ଞlପନ ପ୍ରଚାରର,

ଏକ ସଉକ!

ମଉଜ କରିବାର କଳା,

ମୁଠା ମୁଠା ଟଙ୍କl ଖର୍ଚ୍ଚ କରିବାର ପାଗଳାମି

ଶୀତତାପlନୁକୁଳ କୋଠରୀ ଭିତରେ !!