ଭଞ୍ଜଭୂମି କନ୍ୟା :ଦ୍ରୌପଦୀ ଅନନ୍ୟା
ଭଞ୍ଜଭୂମି କନ୍ୟା :ଦ୍ରୌପଦୀ ଅନନ୍ୟା
ବାଜୁଛି ଟମକ ଭେରୀ ତୂରୀ ଆଜି
ଶପଥ ଗ୍ରହଣ ଦିନ
ଓଡିଶାର ଝିଅ ଦ୍ରୋପଦୀ ମୁର୍ମୁ
ନୂତନ ମହାମହିମ ।
ଜିଲ୍ଲା ମୟୂରଭଞ୍ଜ ରାଇରଙ୍ଗପୁର
ଆମ ଓଡ଼ିଶାର ମାଟି
ଗର୍ବିତ ଆଜି ସମଗ୍ର ଭାରତ
ସୁନାଝିଅ ରାଷ୍ଟ୍ରପତି ।
ପାହାଡର କନ୍ୟା ପ୍ରେରଣା ଝରଣା
ସୁବାସିତ ବଣମଲ୍ଲୀ
ଉତ୍ସର୍ଗୀତ ସେବା ସୁବାସ ମହକେ
ବହେ ପ୍ରାଣୋଚ୍ଛ୍ୱ।ସ ତୋଳି ।
ଦାରିଦ୍ର୍ୟ କଷଣ ଶତ ବାଧାବିଘ୍ନ
କରି ସିଏ ଉଲ୍ଲଙ୍ଘନ
ହସାଇଛି ତୀର କୁଳୁକୁଳୁ ତାନେ
ସୁନ୍ଦର ସବୁଜ ସ୍ୱପ୍ନ ।
ଅରଜିଲେ ବିଦ୍ୟା ସହି ଦୁଃଖକଷ୍ଟ
ମାଟିର ସାନ୍ତାଳୀ ଝିଅ
ଜୀବନ ସ°ଗ୍ରାମେ ହରାଇଲେ ସ୍ୱାମୀ
ଅକାଳରେ ଯୁବା ପୁଅ ।
ସେ ସର୍ବ କନିଷ୍ଠ ଦ୍ୱିତୀୟ ମହିଳା
ହୋଇ ମଧ୍ୟ ଜନଜାତି
ମଣ୍ଡନ କରିଲେ ସର୍ବୋଚ୍ଚ ପଦବୀ
ଭାରତର ରାଷ୍ଟ୍ରପତି ।
ଆମ ଗଣତନ୍ତ୍ର ମର୍ଯ୍ୟାଦା ସମ୍ପନ୍ନ
ଦେଉଛି ବି6ଶ୍ୱ ସନ୍ଦେଶ
ମୂଳମନ୍ତ୍ର ଆମ ଶାନ୍ତି ଓ ଅହି°ସା
କଲ୍ୟାଣ ଜନ ବିକାଶ ।
ନାହିଁ ଭେଦାଭେଦ ଜାତି ଧର୍ମ ବର୍ଣ୍ଣ
ହରିଜନ ଗିରିଜନ
ଏକତାର ସୂତ୍ରେ ସଭିଏଁ ସମାନ
ଭାରତମାତା ସନ୍ତାନ ।
ଜାତୀୟ ସ°ହତି ବିଶ୍ୱ ଶାନ୍ତି ପାଇଁ
ଭାରତ ସଙ୍କଳ୍ପବଦ୍ଧ
ଅପ୍ରତିମ ଆମ କର୍ତ୍ତବ୍ୟ ଶୃଙ୍ଖଳା
ଆମେ ଦକ୍ଷ ପ୍ରତିବଦ୍ଧ ।
ନିର୍ଭର ଯୋଗ୍ୟ କର୍ମ ତତ୍ପର
ପ୍ରଗାଢ ପ୍ରଗତିଶୀଳ
ଆମ ଯୁବଶକ୍ତି ଜ୍ଞାନ କଉଶଳ
ବିଭବ ଶ୍ରେଷ୍ଠ ସମ୍ବଳ ।
ମହୀୟସୀ ତୁମେ ଅନନ୍ୟା ଦ୍ରୋପଦୀ
ଭଞ୍ଜଭୂମି ଗିରିକନ୍ୟା
ନବ ଭାରତର ସ୍ୱର୍ଣ୍ଣିମ ଅଧ୍ୟାୟେ
ଯୋଡ ଓଡିଶାର ନାଆଁ ।
ସ୍ୱାଧୀନ ଭାରତେ ଜନ୍ମ ନେଇଥିବା
ଦୁହିତା ଦ୍ରୌପଦୀ ମୁର୍ମୁ
ଆମ ଗଣତନ୍ତ୍ର ଉଜ୍ଜ୍ୱଳ ଜ୍ୟୋତିଷ୍କ
ଅଭିନନ୍ଦନୀୟ ଏଣୁ ।
ଭଞ୍ଜମାଟି ଝିଅ ଦ୍ରୋପଦୀଙ୍କ ପାଇଁ
ଓଡିଶା ଗୈ।ରବାନ୍ୱିତ
ରାଇସିନା ହିଲ୍ସ ସୃଜୁ ଇତିହାସ
ବିକଶୁ ନବ ଭାରତ ।
ପ୍ରଚଳୁ ଜୀବନ ପ୍ରଗତିର ଚକ୍ର
ଗତି ଲଭୁ ନିଷ୍ପେସିତ
ପୁକାରେ ସମୟ ହୁଅ ଅଗ୍ରସର
ଜାଗ୍ରତ ଶ୍ରେଷ୍ଠ ଭାରତ ।
ଧନ୍ୟ ଦ୍ରଉପଦୀ ଓଡ଼ିଶାର ମାଟି
ଜୟ ଜଗନ୍ନାଥ ଜୟ
ଦିଅ ପ୍ରଭୁ ଶକ୍ତି ଶୁଭାଶିଷ ବୁଦ୍ଧି
ସୁକର୍ତ୍ତବ୍ୟ ହେଉ ଧ୍ୟେୟ ।