ଲାଇବ୍ରେରୀ
ପ୍ରୋଫାଇଲ୍
ଭଲ ସାଥୀ ଟିଏ
ଭଲ ସାଥୀ ଟିଏ
1 min
316
ବହିଟିଏ ମୁଁ ବହିଟିଏ
ଅଜଣା କଥାକୁ କହିଦିଏ
ଜଗତେ ମୋପରି ସାଥୀ କାହିଁ
ସାହାଯ୍ୟ କରେ ସେ ପାଶେ ରହି
ଅମଡ଼ା ବାଟର ବନ୍ଧୁଟିଏ
ବହିଟିଏ ମୁଁ ବହିଟିଏ
ପ୍ରବନ୍ଧ କବିତା ଗପ ଗୀତ
କବି ଲେଖନୀରୁ ଯେତେ ଜାତ
କଳେବର ମୋର ତାକୁ ଧରି
ଅଜ୍ଞାନୀ ମୋ ପାଶେ ଯାଏ ହାରି
ବିଶ୍ବ ହିତେ ସଦା ରହିଥାଏ
ବହିଟିଏ ମୁଁ ବହିଟିଏ
ପୂର୍ବପୁରୁଷଙ୍କ ଇତିହାସ
ତ୍ୟାଗ ବଳିଦାନ ମାନ ଯଶ
ଜୀବନ ଯୁଦ୍ଧର ଯେତେ କଳା
ପିନ୍ଧି ଅଛି କରି ତାକୁ ମାଳା
ପଥିକ ପାଇଁ ମୁଁ ପଥଟିଏ
ବହିଟିଏ ମୁଁ ବହିଟିଏ
ନବ ରସ ନବ ତତ୍ତ୍ଵ ଭରା
ଜ୍ଞାନ ବିଜ୍ଞାନରେ ହସେ ଧରା
ସର୍ବରୋଗ ପଥି ଜାଣେ ମୁହିଁ
ସମସ୍ତ ଉତ୍ତର ଦିଏ କହି
ପଣ୍ଡିତ ପାଶରେ ସଦା ଥାଏ
ବହିଟିଏ ମୁଁ ବହିଟିଏ
