Library
Profile
ଭଲ କାମ କରି ରଖିବି ନାମ
ଭଲ କାମ କରି ରଖିବି ନାମ
ଭଲ କାମ କରି ରଖିବି ନାମ
ହଟାଇ ବି ଦୁଃଖ , ଶୋକ, ଅଜ୍ଞାନ
ଦୁଶ୍ଚିନ୍ତା ଓ ତାପ ଦୁରାଇ ଦେବି
ଶାନ୍ତି ସନ୍ତୋଷ ରେ ହସ ଖେଳାଇ ।
ତୃପ୍ତି ଶୀହରଣେ ପ୍ରାଣ ରଞ୍ଜାଇ
ଶ୍ରଦ୍ଧା - ସୁରଭି ର ଧାର ଛୁଟାଇ
ସ୍ନେହ ପ୍ରେମ ନିଷ୍ଠା ଅଦମ୍ୟ ଚେଷ୍ଟା
ଧଇଯ୍ୟ ଧରି କି କରମେ କୁଣ୍ଠା ।
ନ ରଖିବି କେବେ ମୋର ମନ ରେ
ରହିବି ନିରତ ହିତ କାର୍ଯ୍ୟ ରେ
ଉଦ୍ୟମ, ଉତ୍ସାହ ଶକତି ଭରା
ଜୀବନ ରେ ସାଧି ସୁୁକୃତି ମାଳା ।
ନିତି ଅଭିନବ ପ୍ରୟାସ ଜାରି
ରଖି ଉଦଯୋଗ , ଶକତି ଧରି
ଅବତୀର୍ଣ୍ଣ ହୋଇ କର୍ତ୍ତବ୍ୟ ପଥେ
ନାମ ରଖି ଯିବି ଏଇ ମରତେ ।
ଝଡ ଝଞ୍ଜ। , ବାଧା , ସବୁ ଭୁ କ୍ଷେପ
କରି ଆଗେଇବି ଧରି ଦରପ
କାର୍ଯ୍ୟ ଧାରା ସାଧି ଜଗତେ ଯଶ
ଖ୍ୟାତି ଅର୍ଜନ ରେ ନିତି ପ୍ରୟାସ ।
ଭଲ କାମ କରି ରଖିବି ନାମ
କରିବି ହରଷ ପ୍ରୀତି ବର୍ଦ୍ଧନ
ହିଂସା , ଦ୍ୱେଷ , ଭେଦ ଭାବ ଦୂରେଇ
ପ୍ରତି କ୍ଷଣେ ପ୍ରାଣ ସ୍ନେହେ ରଞ୍ଜାଇ ।
ଆନନ୍ଦ ଉଦ୍ୟମ ଲହରୀ ତୋଳି
ଦୂରେଇବି , ଚିନ୍ତା , ସନ୍ତାପ କଳି
ଭଲ କାମ କରି ରଖିବି ନାମ
ଅରଜିବି ସବୁ ଠାରେ ସୁନାମ ।
ବାଦ ବିବାଦ ରେ ନ ହେବି ରତ
ଯାପିବି ଆନନ୍ଦେ କାଳ ସତତ ।
ସାଧୁତା ସଦ୍ଭାବ ହୃଦୟେ ଧରି
ଆନ ମନ ପ୍ଲାବି ପ୍ରୀତି ମାଧୁରୀ
ନିର ନ୍ତର ଥିବି ଆପଣା କାମେ
ହେଳା ବରଜିଣ ହିତ ସାଧନେ ।
ଭଲ କାମ କରି ରଖିବି ନାମ
ସାହସ ଶକତି , ନିଷ୍ଠା ଅଦମ୍ୟ
ଧରି ଉତ୍ସାହ ରେ ରହିବି ରତ
କେବେ ହେଁ ନ ହେବି କର୍ମୁ ବିରତ ।
