ଭକ୍ତି ଭାବ
ଭକ୍ତି ଭାବ
ପିତା ମାତାଙ୍କ ପ୍ରତି ଭକ୍ତି ଭାବ
ଥଳ କୂଳରେ ଲଗାଏ ନାବ
ଶାଶୁ ଶଶୁରଙ୍କ ପ୍ରତି ଭକ୍ତି ଭାବ
ଶକତି ପ୍ରୀତି ମୈତ୍ରୀ ପରାଭାବ
ଭାଇ ଭାଉଜଙ୍କ ପ୍ରତି ଭକ୍ତି ଭାବ
ପିତୃତୁଲ୍ୟ ଶ୍ରଦ୍ଧା ସଦ୍ଭାବ
ମାମୁଁ ମାଇଁ ଅଜା ଆଈ ଜେଜେ
ଜେଜେମା ପିଇସୀ ମାଉସୀ ଖୁଡି
ତାଙ୍କ ଚରଣରେ ଭକ୍ତି ଭାବ
ପରବ ପୁନେଇଁ କ୍ଷୀରି ଖେଚେଡ଼ି ସ୍ୱାଦ
ସ୍ୱାମୀ ପଦେ ଭକ୍ତି ଲୟ ରଖି ସତୀ
ପାର ହୁଏ ଭାବରେ ଭବ ସମୁଦ୍ର
ସତୀ ସୀତା ଦ୍ରୌପଦୀ ଅହଲ୍ୟା
ଗାନ୍ଧାରୀ ମନ୍ଦୋଦରୀ ଆର୍ଯ୍ୟା ଭଦ୍ର
ଭକ୍ତି ଭାବ ଥିଲେ ପ୍ରଭୁଙ୍କ ଚରଣେ
ଦୁଃଖ ଯାଏ ଅପସରି
ଜଗନ୍ନାଥ କଳାଶ୍ରୀମୁଖ ଦିଅନ୍ତି
କୈବଲ୍ୟ ପସରା ଭରି
ଶିବ ପଦେ ଭକ୍ତି ଭରି ଭକ୍ତ ନିତି
ପାଉଥାଏ କେତେ ଶାନ୍ତି
ବୀରହନୁମାନ ପଦ ସେବି ରାମ ଜପି
ସିନ୍ଦୁରେ ସୁନ୍ଦରୀ ଶ୍ରୀମନ୍ତୀ
ନବମହାଗ୍ରହ ପଦେ ରଖି ଭକତି
ରିଷ୍ଟ ଖଣ୍ଡନ କରନ୍ତି ଇଷ୍ଟ
ମାଆ ପଦ୍ମଳୟା ଅତି ଦୟାବତୀ
ଧନ ଧାନ୍ୟେ କରନ୍ତି ତୁଷ୍ଟ
ମାଆ ସରସ୍ବତୀ କାଳୀ ବିରଜା ଦୁର୍ଗା
ମାତା ପଦ ଭକ୍ତି ଭାରେ
ପଡ଼େନା ବିପଦ ଐଶ୍ଵର୍ଯ୍ୟ ସମ୍ପଦ
ଭରି ଭାରି ହୁଏ ଭାଗ୍ୟରେ
ଭକ୍ତି ଚେତନା ଭକ୍ତି ଉପାସନା ଆଣିଦିଏ
ଯେଉଁ ପ୍ରାପ୍ତି ଓ ତୃପ୍ତି
ଜୀବନରେ ଶାନ୍ତି ଗଲାବେଳେ ମୁକ୍ତି
ଲଭନ୍ତି ବୈକୁଣ୍ଠ ଗତି ।