KRUTIBAS NAYAK

Classics Inspirational Others


3  

KRUTIBAS NAYAK

Classics Inspirational Others


ଅସଲ ଠିକଣା

ଅସଲ ଠିକଣା

1 min 193 1 min 193

#ସିଧାକଥା-୩୧ 


କଳେବଳେ ଧନ ଅର୍ଜିଲି ଅନେକ ଖାଇଲି ବହୁତ ମିଠା,

ମିଠା ଖାଇଖାଇ ତୁଣ୍ଡରୁ ମୋହର ହଜିଲା ମଧୁର କଥା ।


ମଧୁମେହ ରୋଗ ମଧୁ ଝରେଇଲା ମିଠା ଖାଇବାକୁ ମନା,

କହିବାକୁ ଲାଜ ସଭିଏଁ ଜାଣନ୍ତି ଖାଉଛି ମୁଁ ଘୋଡ଼ାଦାନା ।


ଘରଘର କହି ଗଢିଲି ମହଲ ସବୁ ଧନ ବଳଦେଇ,

ଦାମୀ ପାଳଙ୍କଟା କିଣିଥିଲି ସିନା ଗଦିରେ ଶୋଇଲି ନାହିଁ ।


ମନଲାଖି ଗାଡ଼ି ଘଡ଼ି କିଣିଥିଲି ପୋଷାକ ଜାତିକି ଜାତି,

କିଛିଦିନ ପରେ ଲୋଡ଼ା ହେବ ମୋର ଖଣ୍ଡେ ମାତ୍ର ଧଳାଧୋତି ।


ଶେଷରେ ମୋ ପାଇଁ ଅତିଛୋଟ ଘର ମଶାଣିରେ ହେବ ଗଢା,

ସମାଧି ଉପରେ ତୁଳସୀ ଚଉଁରା, ହେବ ପ୍ରେତ ଭାତବଢା ।


ଅସଲ ଠିକଣା ହୋଇଯିବ ମୋର ଆମ ଗାଁ' ମଶାଣି ଭୁଇଁ,

ଆଉଥରେ ପୁଣି ଜନମ ନେବାକୁ ହେଉଥିବି ହାଇଁପାଇଁ ।


ଧନ ଜନ ମାନ ଜ୍ଞାନ କି ସମ୍ମାନ ରହିବନି ମୋର ପାଶେ,

ହରାଇଛି ତାକୁ ଲୋଭ ମୋହ ମାୟା ଆଉ ଅହଂକାର ବଶେ ।



Rate this content
Log in

More oriya poem from KRUTIBAS NAYAK

Similar oriya poem from Classics