ସିଧାକଥା-୨୨

#ସିଧାକଥା

ସବୁଲୋକ ମୋତେ ଭଲ ପାଉଛନ୍ତି କହି ପାରୁଛନ୍ତି ଯେବେ,

ଜାଣିବେ ଜୀବନେ ସକଳ କ୍ଷେତ୍ରରେ ବୁଝାବଣା କରିଥିବେ ।

ସହିଥିବେ ସବୁ କରିଥିବେ ତ୍ୟାଗ ପ୍ରତ୍ୟାଶା ନ ଥିଲା ମନେ,

ତେଣୁ ସନ୍ତୋଷରେ ଅଛନ୍ତି ଆପଣ ହୋଇ ସୁଖୀଲୋକ ଜଣେ ।

କେବେ ଯଦି ପୁଣି କୁହନ୍ତି ମୋହର ଶତ୍ରୁ ବୋଲି କେହି ନାହିଁ,

ଜାଣିବେ ଆପଣ ପର ଦଶ-ଦୋଷ ଛାଡ଼ିଛନ୍ତି ହସିଦେଇ ।

କ୍ଷମାଦାନ ପରି ମହତ ଗୁଣକୁ ନେଇଥିଲେ ଆପଣେଇ,

ତେଣୁ ସିନା ଆଜି ହସି ପାରୁଛନ୍ତି ମୋର ଶତ୍ରୁ ନାହିଁ କହି ।