ଅହଂକାର-ସ୍ଵାର୍ଥପର

#ସିଧାକଥା-୩୬

ବେଇମାନ ବୋଲି କାହାକୁ ସହିବକି ଦେହ କା'ର ?

ଯେତେ ଚୋରୀ କରୁ ଡକାୟତି କରୁ, ତାକୁ କୁହିବାନି ଚୋର ।

ଚାକିରି କରି ଯେ ଚାକର ହେଇଛି କହିବ ନାହିଁ ଚାକର,

ନିଜକୁ ସେ ପରା ଭାବେ ଜନତାଙ୍କ ପାଇଁ ଦ୍ଵିତୀୟ ଈଶ୍ଵର ।

ମୂର୍ଖ ବୋଲି ତାକୁ କହିବନି ଗଣ୍ଡ-ମୂର୍ଖ ହୋଇଥିବ ଯିଏ,

ବୋକା ଅଳସୁଆ କହିଲେ ରାଗିବ ଅସଲ ବୋକାଟି ସିଏ ।

ଲାଞ୍ଚୁଆ କହିଲେ ନେତା ଅଫିସର ମନଦୁଃଖ କରିଦେବେ,

ମିଛୁଆ କହିଲେ ଠକ-ତାଉଟର ଖାଇ ମୁହଁ ପୋଛିଦେବେ ।

ଗୁଣ୍ଡା କହିବନି ଭେଣ୍ଡା ହେଇଥିଲେ ମେଣ୍ଢାପରି ରଡ଼ିଦେଇ, 

ହୁଣ୍ଡାପରି ଶଣ୍ଢା ମୋଡ଼ିଦେବେ ସିଏ ନାଲିଆ ଆଖି ଦେଖେଇ ।

ପାଗଳା ବାଇଆ କହିବନି କେବେ ଦେଖି ନିଶାଖୋର ଲୋକ,

ଅଶ୍ଳିଳ ଗାଳିରେ ଆମକୁ ତୁମକୁ କରିଦେବେ ଟିକିପୋକ ।

ଆଖି ପାଟି କାନ ବୁଜି ରଖିଦେଲେ ହେବା ଆମେ ସ୍ଵାର୍ଥପର,

ଆମେ ଏ' ଦେଶର ଏ'ଦେଶ ଆମର ତୁଚ୍ଛାହେବ ଅହଂକାର ।