ଭକ୍ତ ଓ ଭଗବାନ

ପତିତ ପାଇଁକି ପତିତପାବନ

    ଭକତ ପାଇଁ ହୃଦୟ

ଭକତର ପଛେ ଧାଅଁ ସଦା ପ୍ରଭୁ

     ବତ୍ସା ଯେହ୍ନେ ଧେନୁକାୟ

ପ୍ରଭୁ, ଭକ୍ତକୁ ଦିଅ ଅଭୟ l0l

ରତ୍ନ ସିଂହାସନ ତୁଚ୍ଛ କରିଦିଅ

    ଭକତର ମାନ ପାଇଁ

ଭକ୍ତର ଆକୁଳ ବିକଳ ପ୍ରାର୍ଥନା

    ଜମା ସହି ପାର ନାହିଁ

ଶ୍ରଦ୍ଧାରେ ଭକତ ଯାହା ଯାଚି ଦିଏ

    ଘେନ ତ ଅମୃତ ପ୍ରାୟ l1l

ଭକତ ଆଖିର ଟୋପାଏ ଲୁହରେ

    ଭିଜିଯାଅ ଅବହେଳେ

ଭକତର ଦୁଃଖେ ସମ ଦୁଃଖୀ ହୋଇ

    ସାହା ହୁଅ ଅନ୍ତରାଳେ

ଜଗତରେ ତୁମେ ଶ୍ରେଷ୍ଠ ଶକ୍ତି ବହ

    ଭକତ ପାଇଁ ସଦୟ l2l