ଭକତ ବତ୍ସଳ ହରି

ଭକତଙ୍କୁ ଭଲପାଉ ବୋଲି ତୋର

ଭକତବତ୍ସଳ ନାମ

ଶକ୍ତିରେ ନୁହେଁରେ ଭକ୍ତିରେ ଡାକିଲେ

ପୂର୍ଣ୍ଣ କରୁ ମନସ୍କାମ I

ଭକ୍ତିରେ ଟିକିଏ ଦର୍ଶନ କରି ରେ

କୁବୁଜା ସୁନ୍ଦରୀ ହେଲା

ଚାଣୁର ମୁଷ୍ଠିକ ଶକ୍ତି ଦେଖାଇଲେ

ଯୁଦ୍ଧେ ତାଙ୍କ ପ୍ରାଣ ଗଲା I

ଭକ୍ତି କରୁଥିଲେ ଗୋପର ଲଳନା

ପାଇଗଲେ ତୋର ପ୍ରେମ

ଗୋପବାସୀଙ୍କର ପ୍ରିୟ ଥିଲା ଦିନେ

କୃଷ୍ଣ ବଳରାମ ନାମ I

କପଟ କରିଲା ପୁତନା ରାକ୍ଷାସୀ

କପଟରେ ଦେଲା ବିଷ

କ୍ଷୀରସଙ୍ଗେ ତା'ର ପ୍ରାଣ ଶୋଷିନେଲୁ

ଜୀବନ ହେଲା ତା' ନାଶ I

ଅଇଁଠା ଫଳକୁ ଖୋଇଲା ଶବରୀ

ଖାଇଲୁ ତୁ ମନଭରି

ଦରିଦ୍ର ସୁଦାମା ଖୁଦଭଜାରେ ତୋ

ପେଟ ଯାଇଥିଲା ପୁରି I

ମୁଁ ଛାର ଅଜ୍ଞାନୀ ଅକିଞ୍ଚନଟିଏ

ଜାଣିନି ଦୁନିଆ ରୀତି

ଭକ୍ତିଭାବ ଟିକେ ଦେବୁରେ କାଳିଆ

ତୋ ପାଦେ ରଖିବି ମତି I