ଭିନ୍ନକ୍ଷମ

ଭିନ୍ନକ୍ଷମ ବୋଲି ଜମା ଦୁଃଖ ନାହିଁ 

    ତୁମ ଏ ସୃଷ୍ଟିରେ ପ୍ରଭୁ 

ସକ୍ଷମଙ୍କ ଭଳି ସଂଘର୍ଷ କରୁଛୁ 

    କୃପା କର ଆହେ ବିଭୁ ।

ଇତର ଦୃଷ୍ଟିରେ ସଭିଏଁ ଦେଖନ୍ତି 

   ଆମେ ଭିନ୍ନକ୍ଷମ ବୋଲି 

ଭିନ୍ନ ସିନା ଅଙ୍ଗ କାମଟା ଅଭିନ୍ନ 

   ତୁଛାରେ ଘୃଣିତ ଖାଲି ।

ଦେଇ ପ୍ରୋତ୍ସାହନ କରିଲେ ଆଦର 

  ଲଙ୍ଘିବୁ ଦୁର୍ଗମ ପଥ  

ଅଦ୍ୟମ ସାହସେ ଆଗକୁ ମାଡ଼ିବୁ 

   ଗଡ଼ାଇ ବିଜୟ ରଥ ।

ସଫଳ ହୋଇବୁ ସବୁଥିରେ ଆମେ      

    ଦେଖାଇ ପାରିଲା ପଣ 

ନ' ମଣି ଅକ୍ଷମ ଆମେ ଭିନ୍ନକ୍ଷମ 

   ସୁଝିବୁ ଦେଶର ଋଣ ।

ଭିନ୍ନ ଇତିହାସ ଲେଖା ହେବ ଏବେ 

   ଆମରି ବିସ୍ମୟ କାମେ 

ସବୁରେ ସକ୍ଷମ ଆମେ ଭିନ୍ନକ୍ଷମ 

  ବିକାଶ ବି ଆମ ନାମେ ।