ଲାଇବ୍ରେରୀ
ପ୍ରୋଫାଇଲ୍
ଭିନ୍ନ ରୂପ
ଭିନ୍ନ ରୂପ
1 min
303
କେବେ ସିଏ ମାଆ କେବେ ସିଏ ଜାୟା
କେବେ ଭଗ୍ନୀ, କନ୍ୟା ପୁଣି
କେବେ ବେଦମତୀ କେବେ ସେ କଲ୍ଯାଣୀ
କେବେ ଶକ୍ତି ସ୍ବରୁପିଣୀ।
ହୋଇ ସେ ଅନଳ ଦହେ ଏ ସଂସାର
ଅନ୍ଯାୟ ନପାରେ ସହି
ଦେଶପ୍ରେମ ଲାଗି ଜୀବନ ଦିଅଇ
ଆନ ଏକ ରୂପ ବହି।
ତା'ର ଦୟାବଳେ ଏହି ମହୀତଳେ
ବିରାଜେ ଶାନ୍ତିର ଚିହ୍ନ
ରାବଣ,ମହିଷା ଭୋଗ ଶନି ଦଶା
ଅମାରେ ଉଅଁଇ ଜହ୍ନ।
ରାଣୀ ଲକ୍ଷୀବାଇ ରୂପ ଧରି ସେହି
ଲଢିପାରେ ଦେଶ ପାଇଁ
କଳ୍ପନା ହୋଇ ସେ ଜହ୍ନର ରାଇଜେ
ଯାଇଛି ବିଦୂଷୀ ହୋଇ।
ଇନ୍ଦିରା ରୂପରେ ଦେଶ ସେବା କରେ
ହୃଦୟକୁ କରି ଟାଣ
ପରମାଣୁ ଶକ୍ତି ଅକ୍ଲେଶେ ଆହରି
ଅରି କରେ ବିଦାରଣ।
ନୁହେଁ ସେ ଅବଳା ନୁହେଁ ସେ ଦୁର୍ବଳା
ଅଟେ ସିଏ ନାରାୟଣୀ
ଉଦରରେ ଧରେ ପାଳନ ବି କରେ
ହୁଏ ପୁଣି ସଂହାରିଣୀ।
