ବହି

କେବେ ତୁମେ ଆସ

ସୁନ୍ଦର ମଲାଟ ଚିତ୍ର ଥାଇ

କୁନି ଶିଶୁର ମନ ମୋହି

କେବେ ପୁଣି ଆସ।

ଦରଦୀବନ୍ଧୁଟିଏ ହୋଇ

ସୁଖ ଦୁଃଖର ସାଥୀ ହୋଇ

କେବେ ଆସ ତୁମେ 

ନିଃସଙ୍ଗତା ଦୂର କରି

ପ୍ରିୟ ବାନ୍ଧବୀଟିଏ ପରି

କେବେ ପୂଜା ପାଅ 

ମୋ ଠାକୁର ଘରେ

ଗୀତା, ଭାଗବତ ରୂପ ନେଇ

କେବେ ଆସ ତୁମେ

ଜ୍ଞାନର ପସରା ନେଇ

ସଭିଁଙ୍କୁ ଜ୍ଞାନ ବାଣ୍ଟିବା ପାଇଁ। 

କେବେ ଆସ ତୁମେ

ସାହିତ୍ୟର ନାମ ନେଇ

ସମାଜର ଦରପଣ ହୋଇ

କେବେ ଆସ ତୁମେ 

ଶୀତର ଆସର ନେଇ ତ

ପୁଣି କେବେ ଆସ ତୁମେ

ଶିରାବଣ ବାରିଧାରା ହୋଇ

କେବେ ଆସ ତୁମେ

ପୁସ୍ତକ ମେଳାର ସମ୍ଭାର ନେଇ

ସବୁରି ଆଦର ପାଇବା ପାଇଁ।