ବହି
ବହି
ସିଲଟ ଖଡିର ପାଠ ସରିଗଲା
ସରିଲା ଅକ୍ଷର ଶିକ୍ଷା
ଚାଟଶାଳୀ ଛାଡି ବିଦ୍ୟାଳୟେ ମୋର
ହୋଇଗଲା ନାମ ଲେଖା I
ଖାତା କଲମରେ ଲେଖିଲି ପାଠ ମୁଁ
ପଢିଲି ମୁଁ ଛବିବହି
ଲିଖନ ପଠନ ଅଭ୍ୟାସର କଥା
ଗୁରୁଜୀ ମୋ ଦେଲେ କହି I
ପାଠପଢାରେ ମୁଁ ଆଗକୁ ଚାଲିଲି
ବହି ହେଲା ମୋର ସାଥି
ସାହିତ୍ୟ ସଂସୃତ ହିନ୍ଦୀ ଇତିହାସ
ପଢିଲି ମୁଁ ନିତି ନିତି I
ଅଜ୍ଞାନ ଅନ୍ଧାରେ ଜ୍ଞାନର ଆଲୋକ
ଦେଖାଇଲା ମୋତେ ବହି
ବହିର ମାୟାରେ ପଡିଗଲା ପରେ
ଛାଡି ପାରିଲିନି ରହି I
ଆଜିଯାଏ ବହି ପଢୁଛି ପଢୁଛି
ଜ୍ଞାନର ଭଣ୍ଡାର ବଢେ
ସେଥିପାଇଁ ନିତି ନୂଆ ନୂଆ ବହି
ସଂଗ୍ରହ କରି ମୁଁ ପଢେ I
ବହି ଅଟେ ମୋର ଅତି ଆପଣାର
ବହିର ତୁଳନା ନାହିଁ
ଜୀବନ ପଥରେ ଚାଲିବାର ବାଟ
ଦେଖାଇଛି ମୋତେ ବହି I