ମହାପ୍ରଭୁଙ୍କ କାଞ୍ଚି କାବେରୀ ବେଶ

ନୀଳାଚଳେ ଜଗନ୍ନାଥ ଚତୁର୍ଦ୍ଧାମୂରତି l

ମାନ ଉଦ୍ଧାରଣ ପ୍ରଭୁ ଉତ୍କଳ ବିଭୁତି l

ଉତ୍କଳ ଅସ୍ମିତା ପ୍ରଭୁ ଉତ୍କଳର ନେତା l

ଉତ୍କଳ ମାନରକ୍ଷଣ ସେ ଦାରୁଦେବତା l

କାଞ୍ଚି ଯୁଦ୍ଧ କାଳେ ପ୍ରଭୁ ଉତ୍କଳ ନାୟକ l

ସଇନ ସାଜିଲେ ଧରି କୃପାଣ ସାୟକ l

ପଥ କ୍ଲାନ୍ତ ହୋଇ ପିଇ ମାଣିକର ଦହି l

କଳାଧଳା ଅଶ୍ୱ କାଞ୍ଚି ଦେଲେ ଝପଟାଇ l

କେତେକାଳ ତପ କରି ଗଉଡ଼ୁଣୀ ଧନ୍ୟା l

ସେଠାରେ ବସିଲା ସ୍ମୃତି ମାଣିକ ପାଟଣା l

କାଞ୍ଚି ଅହଙ୍କାର ପ୍ରଭୁ ଭାଙ୍ଗି କଲେ ଚୁନା l

କାଞ୍ଚିରେ ଉଡ଼ିଲା ଉତ୍କଳର ଜୟ ବାନା l

ସ

Advertisement

ୁନ୍ଦରୀ ସେ ରୁପାମ୍ବିକା କାଞ୍ଚି ଜେମାମଣି l

ଉତ୍କଳ ଆସିଲେ ହୋଇ ଗଜପତି ରାଣୀ l

ସାଥିରେ ଆସିଲେ ପୁଣି ଶ୍ରୀକାଞ୍ଚିଗଣେଶ l

ମାଆ ତାରିଣୀଙ୍କ ସଙ୍ଗେ ପ୍ରଭୁ ରାଧାଇଶ l

ଇତିହାସେ ଏହି ସ୍ମୃତି ଜାଗରିତ କରି l

ବେଶ ଧରିଥାନ୍ତି ପ୍ରଭୁ ସୁଦର୍ଶନ ଧାରୀ l

କାଞ୍ଚିକାବେରୀ ବେଶରେ ଶ୍ରୀପଞ୍ଚମୀଦିନ l

ଦରଶନେ ମାନବର ଜନ୍ମ ହୁଏ ଧନ୍ୟ l

 ଜୟ ଜୟ ଜଗନ୍ନାଥ ଜଗତ ଜୀବନ l

ତୁମ୍ଭ ପାଦପଦ୍ମେ ପ୍ରଭୁ ସଦା ମୋ ଶରଣ l